Tipisalema 86:1-17
Xikhongelo xa Davhida.
86 Yehovha Xikwembu xanga, rhiya ndleve u ndzi yingisa, u ndzi hlamula,Hikuva ndza xaniseka naswona ndzi xisiwana.+
2 Sirhelela vutomi bya mina, hikuva ndzi tshembekile.+
Ponisa nandza wa wena loyi a ku tshembaka,Hikuva u Xikwembu xa mina.+
3 Vana ni tintswalo eka mina, Yehovha Xikwembu xanga,+Hikuva ndzi khongela eka wena siku hinkwaro.+
4 Tsakisa nandza wa wena,Hikuva ndzi tshembe wena, wena Yehovha.
5 Hikuva u lulamile,+ wena Yehovha, naswona u lunghekele ku rivalela;+U rhandza hinkwavo lava ku vitanaka.+
6 Yehovha Xikwembu xanga; Yingisa xikhongelo xa mina,Yingisa loko ndzi kombela ku pfuniwa.+
7 Ndza ku vitana loko ndzi ri emaxangwini,+Hikuva u ta ndzi hlamula.+
8 A ku na xikwembu lexi fanaka na wena, wena Yehovha+A ku na mitirho leyi fanaka ni ya wena.+
9 Matiko hinkwawo lawa u ma endlekeMa ta ta ma ta khinsama emahlweni ka wena, wena Yehovha,+Ma ta dzunisa vito ra wena.+
10 Hikuva u lonkulu naswona u endla swilo swo hlamarisa swinene;+U Xikwembu, wena u ri wexe.+
11 Yehovha Xikwembu xanga, ndzi dyondzise ndlela ya wena.+
Ndzi ta famba entiyisweni wa wena.+
Ndzi endle ndzi chava vito ra wena hi mbilu ya mina hinkwayo.+
12 Ndza ku dzunisa hi mbilu ya mina hinkwayo, Yehovha Xikwembu xa mina,+Ndzi ta vangamisa vito ra wena hilaha ku nga heriki,
13 Hikuva u ndzi kombe rirhandzu,U ponise vutomi bya mina eSirheni.*+
14 Lava tikukumuxaka va ndzi pfukerile, wena Xikwembu;+Vanhu va tihanyi va lava ku ndzi dlaya,A va na mhaka na wena.+
15 Kambe wena Yehovha, u Xikwembu xa tintswalo ni ntwelavusiwana,*Lexi hlwelaka ku hlundzuka naswona xi nga ni rirhandzu ni ntiyiso.+
16 Ndzi langute u ndzi komba musa.+
Nyika nandza wa wena matimba,+U ponisa n’wana wa nandza wa wena wa xisati.
17 Ndzi nyike xikombiso* xa vunene bya wena,Leswaku lava ndzi vengaka va ta xi vona, ivi va khomiwa hi tingana.
Hikuva wena Yehovha, u mupfuni wa mina ni muchaveleri wa mina.
