Tipisalema 9:1-20
Eka mufambisi wa Mutilabeni.* Miloti ya Davhida.
א [Aleph]
9 Yehovha, ndzi ta ku dzunisa hi mbilu ya mina hinkwayo;Ndzi ta byela van’wana hi mitirho ya wena hinkwayo yo hlamarisa.+
2 Ndzi ta tsaka ndzi tlhela ndzi khana hikwalaho ka wena;Ndzi ta yimbelela ndzi dzunisa vito ra wena, Wena La Nge Henhlahenhla.+
ב [Beth]
3 Loko valala va mina va baleka,+Va ta khudlunyeka va lova emahlweni ka wena.
4 Hikuva wa ndzi lwela ehubyeni;U avanyisa hi ndlela leyinene u tshame exiluvelweni xa wena.+
ג [Gimel]
5 U tshinye matiko+ u lovisa lavo homboloka,U sule vito ra vona hilaha ku nga heriki.
6 Valala va loviseriwe makumu;U simule ni miti ya vona,A va nge he tsundzukiwi.+
ה [He]
7 Kambe Yehovha u ta fuma hilaha ku nga heriki;+U tshame exiluvelweni xakwe leswaku a ta avanyisa hi vululami.+
8 U ta avanyisa misava hi ndlela leyinene;+U ta avanyisa matiko hi ndlela leyinene.+
ו [Waw]
9 Yehovha u ta sirhelela lava tshikileriwaka,+Va ta titumbeta eka yena hi nkarhi wa maxangu.+
10 Lava tivaka vito ra wena va ta ku tshemba;+A wu nge pfuki u va tshikile lava ku lavaka, Yehovha Xikwembu xanga.+
ז [Zayin]
11 Dzunisani Yehovha hi tinsimu, loyi a tshamaka eSiyoni;Byelani vanhu swiendlo swakwe.+
12 Hikuva Loyi a rihiselaka ngati ya vona, wa va tsundzuka;+A nge xi rivali xirilo xa lava xanisekaka.+
ח [Heth]
13 Ndzi kombe tintswalo, Yehovha; vona maxangu lama ndzi vangeriwaka hi valala va mina,Wena la ndzi humesaka etinyangweni ta rifu,+
14 Leswaku ndzi ta vulavula hi mitirho ya wena leyinene etigedeni ta nhwanyana wa Siyoni,+Ndzi tsaka hikwalaho ka leswi u ndzi poniseke.+
ט [Teth]
15 Matiko ma hojomele ekheleni leri ma nga ri cela;Nenge wa wona wu phasiwe hi nete leyi ma rhiyeke hi yona.+
16 Yehovha u tiviwa hi vuavanyisi lebyi a byi endlaka.+
Lowo homboloka u phasiwe hi mitirho yakwe.+
Hagayoni.* (Selah)
י [Yod]
17 Lavo homboloka va ta ya eSirheni,*Ni matiko hinkwawo lama rivalaka Xikwembu.
18 Kambe swisiwana a swi nge rivariwi nkarhi hinkwawo;+Naswona ntshembo wa lavo rhula a wu nge heli.+
כ [Kaph]
19 Humelela, Yehovha! U nga tshiki munhu a hlula.
Onge u nga avanyisa matiko.+
20 Yehovha Xikwembu xanga, ma endle ma chava,+Matiko a ma swi tive leswaku mo va vanhu ntsena. (Selah)
Tinhlamuselo ta le hansi
^ Vona Tinhlamuselo.
^ Vona Tinhlamuselo.
^ Kumbe “eSheol.” Vona Tinhlamuselo.
