Tipisalema 91:1-16
91 Un’wana ni un’wana la tshamaka endhawini ya le xihundleni ya La Nge Henhlahenhla+U ta tshama endzhutini wa Lowa Matimba Hinkwawo.+
2 Ndzi ta byela Yehovha ndzi ku: “U vutumbelo bya mina ni khokholo ra mina,+Xikwembu xanga lexi ndzi tshembelaka eka xona.”+
3 Hikuva u ta ku ponisa eka ntlhamu wa muphasi wa swinyenyana,Eka ntungu lowu dlayaka.
4 U ta ku sirhelela hi timpapa takwe,U ta tumbela ehansi ka timpapa takwe.+
Ku tshembeka+ ka yena ku ta va xitlhangu lexikulu+ ni khumbi leri sirhelelaka.
5 A wu nge chavi nchumu lowu chavisaka nivusiku,+Kumbe nseve lowu hahaka ninhlikanhi,+
6 Kumbe ntungu lowu ngungumelaka exinyamini,Kumbe ku lovisiwa dyambu ri lo hosi!
7 Ku ta fa vanhu va 1 000 etlhelo ka wenaNi va 10 000 evokweni ra wena ra xineneKambe wena a wu nge humeleriwi hi nchumu xo biha.+
8 Wena u to hlalela kuneneU vona ndlela leyi lavo homboloka va xupuriwaka ha yona.
9 Hikuva u te: “Yehovha i vutumbelo bya mina,”U endle La Nge Henhlahenhla a va ndhawu* ya wena yo tshama eka yona;+
10 A wu nge weriwi hi khombo,+Ni ntungu a wu nge tshineli etendeni ra wena.
11 Hikuva u ta lerisa tintsumi+ takwe mayelana na wena,Leswaku ti ku rindza etindleleni ta wena hinkwato.+
12 Ti ta ku khawulela hi mavoko ya tona+Leswaku nenge wa wena wu nga bi ribye.+
13 U ta kandziyela xinghalana ni xivatlankombe;U ta pyanya xinghalana ni nyoka leyikulu.+
14 Xikwembu xi te: “Ndzi ta n’wi ponisa hikuva wa ndzi rhandza.+
Ndzi ta n’wi sirhelela hikuva u tiva vito ra mina.+
15 U ta ndzi vitana, ndzi ta n’wi hlamula.+
Ndzi ta va na yena loko a ri emaxangwini.+
Ndzi ta n’wi ponisa, ndzi n’wi vangamisa.
16 Ndzi ta endla leswaku a hanya nkarhi wo leha,+Naswona ndzi ta endla leswaku a vona ndlela leyi ndzi ponisaka ha yona.”+
Tinhlamuselo ta le hansi
^ Kumbexana “vutumbelo.”
