Tipisalema 98:1-9
-
Yehovha i Muponisi ni Muavanyisi lonene
-
Yehovha u endle leswaku ku ponisa kakwe ku tiviwa (2, 3)
-
Miloti.
98 Yimbelelelani Yehovha risimu lerintshwa,+Hikuva u endle swilo swo hlamarisa.+
Voko rakwe ra xinene, xandla xakwe xo kwetsima xi ponisile.*+
2 Yehovha u endle leswaku ku ponisa kakwe ku tiviwa;+U kombe matiko leswaku u lulamile.+
3 U tsundzuke xitshembiso xakwe xa leswaku u ta komba Israyele rirhandzu ni ku tshembeka kakwe.+
Misava hinkwayo yi vone ndlela leyi Xikwembu xa hina xi ponisaka ha yona.*+
4 Belani Yehovha swivuvutani, n’wina misava hinkwayo.
Khanani, mi ba mikulungwana mi nʼwi yimbelelela mi n’wi dzunisa.+
5 Yimbelelelani Yehovha tinsimu hi haripa,Hi haripa ni hi tinsimu to nandziha.
6 Hi timhalamhala ni mpfumawulo wa nanga,+Banani mikulungwana emahlweni ka Hosi, Yehovha.
7 Lwandle ni hinkwaswo leswi nga eka rona a swi pfume,Misava ni lava tshamaka eka yona.
8 Milambu a yi phokotele mavoko;Tintshava a ti huwelele hi ntsako+
9 Emahlweni ka Yehovha, hikuva u tela* ku ta avanyisa misava.
U ta avanyisa misava hi ku lulama+Ni vanhu hi ndlela leyinene.+
Tinhlamuselo ta le hansi
^ Kumbe “xi endle leswaku a hlula.”
^ Kumbe “ku hlula ka Xikwembu xa hina.”
^ Kumbe “u tele.”
