Vaheveru 11:1-40
11 Ripfumelo i ntshembo lowu tiyeke wa leswaku leswi swi languteriweke swi ta endleka,+ i vumbhoni lebyi khorwisaka bya swilo swa xiviri leswi nga voniwiki.
2 Hikwalaho ka leswi vanhu va khale* a va ri ni ripfumelo ro tano, Xikwembu xi va kombile leswaku xa tsaka ha vona.
3 Hi ripfumelo ha swi xiya leswaku swilo leswi nga etilweni ni la misaveni swi tumbuluxiwe hi rito ra Xikwembu, lerova Xikwembu xi tirhise swilo leswi hi nga swi voniki ku endla swilo leswi hi swi vonaka.
4 Hi ripfumelo Avele u nyikele gandzelo ra nkoka swinene eka Xikwembu ku tlula ra Kayini.+ Hikwalaho ka ripfumelo rero ku nyikeriwe vumbhoni bya leswaku u lulamile, hikuva Xikwembu xi amukele* tinyiko+ ta yena naswona hambiloko a file, wa ha vulavula+ hikwalaho ka ripfumelo rakwe.
5 Hi ripfumelo Enoko+ u rhurhisiwile leswaku a nga fi hi ndlela leyi tolovelekeke, a nga ha vanga kona hikuva Xikwembu xi n’wi rhurhisile;+ hikuva loko a nga si rhurhisiwa, u ve ni vumbhoni bya leswaku u tsakise Xikwembu swinene.
6 Kutani a swi koteki ku tsakisa Xikwembu kahle handle ka ripfumelo, hikuva loyi a tshinelaka eka Xikwembu u fanele a tshemba leswaku xi kona ni leswaku hi xona lexi hakelaka lava xi lavaka hi mbilu hinkwayo.+
7 Hi ripfumelo, Nowa+ u kombise ku chava Xikwembu loko a byeriwe swilo leswi a swi ta endleka swi nga si voniwa.+ Kutani a aka ngalava+ leswaku ku ta ponisiwa ndyangu wakwe, naswona u gweve misava+ hikwalaho ka ripfumelo rakwe, kutani u vuriwe loyi a lulameke hikwalaho ka ripfumelo.
8 Hi ripfumelo, loko Abrahama+ a vitaniwa u yingisile kutani a ya endhawini leyi a a ta nyikiwa yona yi va ndzhaka; u fambile hambileswi a a nga ku tivi lomu a a ya kona.+
9 Hi ripfumelo u tshame etikweni ra xitshembiso onge hiloko a ri tikweni ra van’wana,+ a a tshama ematendeni+ a ri na Isaka na Yakobo, vadyandzhaka na yena va xitshembiso xexo.+
10 Hikuva a a rindzele muti lowu nga ni masungulo lama tiyeke, lowu muendli ni muaki wa wona ku nga Xikwembu.+
11 Hi ripfumelo Sara na yena u tikile,* hambileswi a a hundzile eka malembe yo veleka,+ hikuva a a n’wi teka A tshembeka Loyi a endleke xitshembiso.
12 Hikwalaho ka sweswo, ku sukela eka munhu un’we loyi a swi fana ni loko a file,+ ku velekiwe vana+ vo tala ku fana ni tinyeleti ta tilo, lava nga hlayekiki ku fana ni sava ra lwandle.+
13 Vanhu lava va fe va ri ni ripfumelo hambileswi va nga ku vonangiki ku hetiseka ka switshembiso.+ Kambe va swi vone swa ha ri ekule+ hiloko va swi amukela kutani va vula leswaku a va ri vafambi ni vatshami va nkarhinyana etikweni.
14 Hikuva lava vulavulaka hi ndlela yoleyo va swi veka erivaleni leswaku va lava ndhawu ya vona vini hi mbilu hinkwayo.
15 Kasi, loko a vo tshamela ku tsundzuka laha a va huma kona,+ a va ta va va tlhelerile.
16 Kambe sweswi va navela ndhawu yo antswa, leyi nga ya le tilweni. Xikwembu a xi khomiwi hi tingana ha vona, hikwalaho ka leswi xi vitaniwaka Xikwembu xa vona+ hikuva xi va lunghiselele muti.+
17 Hi ripfumelo, loko Abrahama a ringiwa+ u tiyimisele ku nyikela hi Isaka, munhu loyi a amukeleke switshembiso hi ntsako u ringete ku nyikela hi n’wana wakwe loyi a tswariweke a ri yexe,+
18 hambileswi Xikwembu xi vuleke leswi eka yena: “Vana* va wena va ta huma eka Isaka.”+
19 Kambe a a swi tiva leswaku Xikwembu a xi ta swi kota ku n’wi pfuxa eka lava feke, naswona u n’wi kumile a huma eka lava feke hi ndlela yo fanekisela.+
20 Hi ripfumelo Isaka u katekise Yakobo+ na Esawu+ a va byela swilo leswi a swi ta endleka enkarhini lowu taka.
21 Hi ripfumelo, loko Yakobo a ri kusuhi ni ku fa,+ u katekise vana va Yosefa+ kutani a gandzela a titshege hi nhonga yakwe.+
22 Hi ripfumelo, loko Yosefa a ri ekusuhi ni ku fa, u vulavule hi ku suka ka Vaisrayele eEgipta naswona u va byele leswaku va nga ma siyi marhambu yakwe.+
23 Hi ripfumelo Muxe u fihliwe hi vatswari vakwe ku ringana tin’hweti tinharhu endzhaku ka loko a velekiwile,+ hikuva a va swi vona leswaku n’wana a a sasekile+ naswona a va wu chavanga nawu wa hosi.+
24 Hi ripfumelo, loko Muxe a kurile+ u ale ku vuriwa n’wana wa N’wa-Faro,+
25 a hlawula ku xaniseka ni vanhu va Xikwembu ku tlula ku tiphina hi xidyoho swa nkarhinyana,
26 hikuva a a teka ndzhukano wa Kreste wu ri rifuwo lerikulu ku tlula xuma xa le Egipta. U wu rindzele hi mahlongati nkateko lowu a a ta wu kuma.
27 Hi ripfumelo u suke eEgipta,+ kambe a nga chavi vukarhi bya hosi,+ hikuva u ye emahlweni a tiyiselela swiyimo swo tika a nga heli mbilu onge hiloko a vona Loyi a nga vonakiki.+
28 Hi ripfumelo u tlangele Paseka ni ku n’wan’wasela ngati eka tifureme ta mavanti, leswaku ntsumi ya Xikwembu yi nga dlayi* mativula+ ya vona.
29 Hi ripfumelo va tsemakanye Lwandle ro Tshwuka ku fana niloko va famba emisaveni leyi omeke+ kambe loko Vaegipta va ringeta ku endla tano, va dyiwe hi mati.+
30 Hi ripfumelo makhumbi ya Yeriko ma wile loko Vaisrayele va rhendzeleka etlhelo ka wona ku ringana masiku ya nkombo.+
31 Hi ripfumelo Rahava lowa nghwavava a nga lovisiwanga ni lava nga xi yingisangiki Xikwembu, hikuva u amukele tinhlori hi ndlela yo rhula.+
32 Xana ndzi nga vula yini swin’wana? Hikuva ndzi ta heleriwa hi nkarhi loko ndzo ya emahlweni ndzi rungula hi ta Gidiyoni,+ Baraka,+ Samsoni,+ Yefta,+ Davhida+ swin’we na Samuwele+ ni vaprofeta lavan’wana.
33 Hi ripfumelo va hlule mifumo,+ va endla leswaku ku va ni vululami, va kuma switshembiso,+ va pfala milomu ya tinghala,+
34 va tima matimba ya ndzilo,+ va pona ku dlayiwa hi banga,+ va va ni matimba hambileswi a va tsanile,+ va va ni matimba enyimpini,+ va hlongola mavuthu lawa a ma hlasela tiko ra vona.+
35 Vavasati va amukele maxaka ya vona lama pfuxiweke eku feni+ kambe vanhu van’wana va xanisiwile hikuva va ale ku tshunxiwa hi nkutsulo wo karhi, leswaku va ta kuma ku pfuxiwa ko antswa.
36 I ntiyiso, van’wana va ringiwe hi ku hlekiwa ni ku biwa, kasi ku tlula sweswo va bohiwe hi tinketani+ ni ku pfaleriwa ekhotsweni.+
37 Va khandliwe hi maribye,+ va ringiwile, va sahiwe hi le xikarhi, va dlayiwe hi banga,+ va yingayinge va ambale madzovo ya tinyimpfu ni ya timbuti,+ va nga ri na nchumu, va ri enhlomulweni,+ ni le ku xanisiweni;+
38 naswona misava a yi nga va faneli. Va tsendzeleke emananga ni le tintshaveni naswona va tshame emabakweni+ ni le miceleni.
39 Kasi hinkwavo lava, hambileswi ku vulavuriweke kahle hi ripfumelo ra vona, a va ku kumanga ku hetiseka ka xitshembiso,
40 hikuva Xikwembu a xi tiyimisele ku hi nyika swilo swo antswa,+ leswaku va nga endliwi lava hetisekeke handle ka hina.
Tinhlamuselo ta le hansi
^ Kumbe “vakokwa wa hina.”
^ Kumbe “nyikele vumbhoni hi ku amukela.”
^ Kumbe “u amukele matimba yo tika mbewu.”
^ Hi Xigriki, “Mbewu.”
^ Hi Xigriki, “khumbi.”
