Vaheveru 8:1-13
8 Leswi hi ringetaka ku swi vula hi leswaku: Hi ni muprista lonkulu wo fana na yena+ naswona u tshame evokweni ra xinene ra xiluvelo xa Xikwembu ematilweni.+
2 I nandza wa le ndhawini yo kwetsima+ ni wa tabernakela* ya ntiyiso leyi yimisiweke hi Yehovha,* ku nga ri hi munhu.
3 Hikuva muprista un’wana ni un’wana lonkulu u hlawuriwe leswaku a nyikela tinyiko ni magandzelo; kutani a swi fanerile leswaku ni loyi a va ni swo karhi swo swi nyikela.+
4 Loko a a ri emisaveni, a a nga ta va muprista,+ tanihi leswi se ku nga ni vanhu lava nyikelaka tinyiko hi ku ya hi Nawu.
5 Vanhu lava va endla ntirho wo kwetsima lowu nga xikombiso ni ndzhuti+ wa swilo swa le tilweni;+ hilaha Xikwembu xi leriseke Muxe hakona loko a ri kusuhi ni ku aka tabernakela xi ku: “Tiyiseka leswaku u endla swilo hinkwaswo hi ku landza pulani leyi u kombiweke yona entshaveni.”+
6 Kambe sweswi Yesu u nyikiwe ntirho wo antswa swinene. Hikuva u tlhela a va muhlanganisi+ wa ntwanano wo antswa+ lowu simekiweke hi nawu hi switshembiso swo antswa.+
7 Loko ntwanano wolowo wo sungula a wu nga ri na xihoxo, ntwanano wa vumbirhi a wu nga ta laveka.+
8 Hikuva xi kuma xihoxo eka vanhu loko xi ku: “‘Vonani! Masiku ma ta,’ ku vula Yehovha,* ‘laha ndzi nga ta endla ntwanano lowuntshwa ni vanhu va Israyele ni vanhu va Yuda.
9 A wu nge fani ni ntwanano lowu ndzi wu endleke ni vakokwa wa vona hi siku leri ndzi va khomeke hi voko ndzi va humesa etikweni ra Egipta,+ hikuva va tshove ntwanano wa mina, lerova ndzi tshike ku va hlayisa,’ ku vula Yehovha.*
10 “‘Hikuva lowu i ntwanano lowu ndzi nga ta wu endla ni vanhu va Israyele endzhaku ka masiku wolawo,’ ku vula Yehovha.* ‘Ndzi ta nghenisa milawu ya mina emianakanyweni ya vona naswona ndzi ta yi tsala etimbilwini ta vona.+ Ndzi ta va Xikwembu xa vona naswona vona va ta va vanhu va mina.+
11 “‘A nge he vi kona loyi a nga ta dyondzisa muakatikokulobye ni makwavo a ku: “Tiva Yehovha!”* Hikuva hinkwavo va ta ndzi tiva, ku sukela eka lontsongo ku ya eka lonkulu.
12 Ndzi ta va ni tintswalo eka mitirho ya vona leyi nga lulamangiki naswona a ndzi nge he swi tsundzuki swidyoho swa vona.’”+
13 Leswi xi vulavulaka hi “ntwanano lowuntshwa” xi endle leswaku lowo sungula wu hundzeriwa hi nkarhi.+ Lowu hundzeriweke hi nkarhi, i wa khale naswona wu le kusuhi ni ku nyamalala.+
Tinhlamuselo ta le hansi
^ Hi Xigriki, “tende ra.”
^ Vona Xiengetelo A5.
^ Vona Xiengetelo A5.
^ Vona Xiengetelo A5.
^ Vona Xiengetelo A5.
^ Vona Xiengetelo A5.
