Yeremiya 16:1-21
16 Yehovha a tlhela a vulavula na mina a ku:
2 “U nga tshuki u teka nsati naswona u nga tshuki u va ni vana va majaha ni va vanhwanyana endhawini leyi.
3 Mayelana ni vana va majaha ni va vanhwanyana lava velekiwaka laha ni vamana wa vona lava va va velekaka ni vatata wa vona lava endlaka leswaku va velekiwa etikweni leri, Yehovha u ri:
4 ‘Va ta dlayiwa hi mavabyi+ lama dlayaka, kambe a va nge rileriwi kumbe ku lahliwa; va ta fana ni manyoro ehenhla ka misava.+ Va ta dlayiwa hi banga ni hi ndlala+ naswona mitsumbu ya vona yi ta dyiwa hi swinyenyana ni hi swivandzana.’
5 Hikuva Yehovha u ri,‘U nga yi endlwini ya lava feriweke,U nga yi u ya rila kumbe u va tshandzisa.’+
‘Hikuva ndzi suse ku rhula ka mina eka vanhu lava,’ ku vula Yehovha,‘Ni rirhandzu ra mina ni tintswalo ta mina.+
6 Lavakulu ni lavatsongo va ta fela etikweni leri.
A va nge lahliwi,A va nge rileriwi,A ku na munhu loyi a nga ta tixeka kumbe a tsemeta mpandlha hikwalaho ka vona.*
7 A ku na munhu loyi a nga ta nyika lava rilaka swakudya,Leswaku a va chavelela hikwalaho ka loyi a nga fa;A ku na munhu loyi a nga ta va nyika xinwelo xa nchaveleloLeswaku va nwa hikwalaho ka leswi va nga feriwa hi tatana kumbe manana.
8 U nga ngheni endlwini ya nkhuvoU tshama na vona, u dya u tlhela u nwa na vona.’
9 “Hikuva Yehovha wa mavuthu, Xikwembu xa Israyele u ri, ‘Ndzi ta herisa mpfumawulo wa ku khana ni ku tsaka, rito ra muteki ni ra mutekiwa endhawini leyi, enkarhini wa n’wina ni le mahlweni ka matihlo ya n’wina.’+
10 “Loko u byela vanhu lava marito lawa hinkwawo, va ta ku vutisa va ku, ‘Hikwalaho ka yini Yehovha a vule leswaku u ta hi tisela khombo leri lerikulu? Hi n’wi dyohele yini Yehovha Xikwembu xa hina?’+
11 U fanele u va hlamula u ku, ‘“Hikwalaho ka leswi vakokwa wa n’wina va ndzi fularheleke,”+ ku vula Yehovha, “nileswi va nga ya emahlweni va landzela swikwembu swin’wana, va swi tirhela ni ku swi khinsamela.+ Kambe mina va ndzi fularherile ni nawu wa mina a va wu hlayisanga.+
12 N’wina mi dyohe ku tlula vakokwa wa n’wina,+ un’wana ni un’wana wa n’wina u famba hi ku sihalala ka mbilu yakwe yo homboloka ematshan’weni yo yingisa mina.+
13 Hikwalaho ndzi ta mi hlongola etikweni leri mi ya etikweni leri n’wina kumbe vakokwa wa n’wina va nga ri tivangiki,+ kutani kona mi ta boheka ku tirhela swikwembu swin’wana vusiku ni nhlikanhi,+ hikuva a ndzi nge vi na tintswalo eka n’wina.”’
14 “‘Hambiswiritano, masiku ma ta,’ ku vula Yehovha, ‘lawa va nga ta ka va nga ha vuli va ku: “Leswi Yehovha a hanyaka, loyi a humeseke Vaisrayele etikweni ra Egipta,”+
15 kambe va ta ku: “Leswi Yehovha a hanyaka, loyi a humeseke Vaisrayele etikweni ra le n’walungwini ni le matikweni hinkwawo lawa a va hangalaseleke eka wona,” kutani ndzi ta va tlherisela etikweni ra vona leri ndzi ri nyikeke vakokwa wa vona.’+
16 ‘Ndzi rhuma vaphasi va tihlampfi vo tala,’ ku vula Yehovha,‘Va ta va phasa.
Endzhaku ka sweswo ndzi ta rhuma vahloti vo tala,Va ta va hlota entshaveni yin’wana ni yin’wana ni le xintshabyanini xin’wana ni xin’wanaNi le mabakweni ya maribye.
17 Hikuva matihlo ya mina ma vona swilo hinkwaswo leswi va swi endlaka.*
A va tumbelanga emahlweni ka mina,Ni xihoxo xa vona a xi fihlekanga ematihlweni ya mina.
18 Ndzi ta va xupula hi ku ya hi xihoxo xa vona ni xidyoho xa vona,+Hikuva va thyakise tiko ra mina hi swikwembu swa vona leswi nyenyetsaka leswi nga hanyikiVa tate ndzhaka ya mina hi swilo swa vona leswi nyenyetsaka.’”+
19 Yehovha Xikwembu xanga, ntamu wa mina ni xisirhelelo xa mina,Ndhawu ya mina yo balekela eka yona hi siku ra maxangu,+Matiko ma ta ta eka wena ma huma emakun’wini ya misava,Ma ta ku: “Ndzhaka ya vakokwa wa hina i mavunwa ntsena,I swilo leswi nga pfuniki nchumu.”+
20 Xana munhu a nga tiendlela swikwembu?
Leswi a swi endlaka a hi swikwembu swa xiviri.+
21 “Ndzi ta endla leswaku va swi tiva,Hi nkarhi wolowo ndzi ta endla leswaku va tiva matimba ya mina lamakulu,Va ta swi tiva leswaku vito ra mina i Yehovha.”
Tinhlamuselo ta le hansi
^ Mikhuva ya ku rila ya vahedeni leyi kumbexana a yi endliwa hi Vaisrayele lava gwineheke.
^ Hi Xiheveru, “ma le henhla ka tindlela ta vona hinkwato.”
