Yeremiya 17:1-27
17 “Xidyoho xa Yuda xi tsariwe ehansi hi xitsalo xa nsimbhi.
Xi kovotliwe embilwini ya vona hi rinhi ra dayimaniNi le timhondzweni ta tialtari ta vona,
2 Loko vana va vona va tsundzuka tialtari ta vona ni timhandzi ta vona ta Axera*+Etlhelo ka murhi lowukulu, ehenhla ka swintshabyana,+
3 Enhoveni etintshaveni.
Rifuwo ra wena, xuma xa wena hinkwaxo ndzi ta swi nyikela swi phangiwa+Ni tindhawu ta wena to gandzela eka tona* hikwalaho ka xidyoho lexi tateke tiko ra wena hinkwaro.+
4 U ta tshika ndzhaka leyi ndzi ku nyikeke yona hi ku swi rhandza.+
Ndzi ta endla leswaku u tirhela valala va wena etikweni leri u nga ri tiviki,+Hikuva u lumeke ku hlundzuka ka mina ku fana ni ndzilo.*+
Ku ta pfurha hilaha ku nga heriki.”
5 Yehovha u ri:
“A a rhukaniwe munhu* loyi a tshembaka munhukulobye,+Loyi a titshegaka hi matimba ya munhu un’wana,*+Loyi mbilu yakwe yi fularhelaka Yehovha.
6 U ta fana ni murhi lowu nga woxe ekwandzasini.
A nge swi kumi swilo leswinene,Kambe u ta tshama etindhawini leti omeke emananga,Etikweni ra munyu leri ku nga riki na munhu loyi a nga tshamaka eka rona.
7 U katekile munhu* loyi a tshembaka Yehovha,Loyi ntshembo wakwe wu nga eka Yehovha.+
8 U ta fana ni murhi lowu byariweke ekusuhi ni mati,Lowu timitsu ta wona ti navaka ti ya exinambyanini.
Hambiloko dyambu ri hisa swinene, a nge ri twi,Matluka yakwe ma ta tshama ma sasekile.+
Hi lembe ra dyandza a nge vileli,Naswona a nge tshiki ku veka mihandzu.
9 Mbilu yi kanganyisa ngopfu ku tlula swilo hinkwaswo naswona yi ni khombo.*+
I mani loyi a nga yi tivaka?
10 Mina Yehovha, ndzi kambisisa mbilu,+Ndzi kambela mianakanyo leyi dzikeke,*Leswaku ndzi nyika un’wana ni un’wana hi ku ya hi tindlela takwe,Hi ku ya hi vuyelo bya mitirho yakwe.+
11 Loyi a kumaka rifuwo hi ndlela yo homboloka,U fana ni n’hwari leyi fukamelaka matandza lawa yi nga ma tshikelangiki.+
Ri ta dzudzeka loko a kurile,Eku heteleleni u ta va xiphukuphuku.”
12 Xiluvelo xo vangama xi tlakusiwile ku sukela eku sunguleni,Xona i ndhawu ya hina yo kwetsima.+
13 Yehovha Xikwembu xanga, ntshembo wa Israyele,Hinkwavo lava va ku fularhelaka va ta khomisiwa tingana.
Lava ku gwinehelaka va ta tsariwa eritshurini,+Hikuva va fularhele Yehovha, xihlovo xa mati lama hanyaka.+
14 Yehovha Xikwembu xanga, ndzi horise kutani ndzi ta hola.
Ndzi ponise kutani ndzi ta pona,+Hikuva ndzi dzunisa wena.
15 Ku ni lava va ndzi byelaka va ku:
“Ri kwihi rito ra Yehovha?+
Hi kombela ri ta!”
16 Kambe mina a ndzi tshikanga ku ku landzela tanihi murisi,A ndzi ri navelanga siku ra khombo.
U swi tiva kahle hinkwaswo leswi ndzi swi vuleke;Swi endleke emahlweni ka wena!
17 U nga ndzi vangeli ku chava.
U vutumbelo bya mina hi siku ra khombo.
18 Lava ndzi xanisaka a va khomisiwe tingana,+Kambe u nga pfumeli leswaku mina ndzi khomisiwa tingana.
A va khomiwe hi ku chava,Kambe u nga pfumeli leswaku mina ndzi khomiwa hi ku chava.
Va tisele siku ra khombo,+Kutani u va kandziyela u va lovisa hi ku helela.*
19 Yehovha u ndzi byele leswi: “Famba u ya yima egedeni ya vana va vanhu leyi tihosi ta Yuda ti nghenaka ti tlhela ti huma ha yona, ni le tigedeni hinkwato ta Yerusalema.+
20 U fanele u ti byela u ku, ‘Twanani rito ra Yehovha n’wina tihosi ta Yuda, vanhu hinkwavo va Yuda ni vaaki hinkwavo va le Yerusalema, lava nghenaka hi tigede leti.
21 Yehovha u ri: “Tivoneleni naswona mi nga rhwali ndzhwalo hi siku ra Savata kumbe mi wu nghenisa hi tigede ta Yerusalema.+
22 A mi fanelanga mi humesa ndzhwalo emakaya ya n’wina hi siku ra Savata; naswona a mi fanelanga mi tirha.+ Xiximani siku ra Savata, hilaha ndzi leriseke vakokwa wa n’wina hakona.+
23 Kambe a va yingisanga hambi ku ri ku rhiya ndleve, va nonon’hwise timbilu ta vona va ala* ku yingisa kumbe ku amukela ndzayo.”’+
24 “‘“Hambiswiritano, loko mo ndzi yingisa,” ku vula Yehovha, “kutani mi nga wu tisi ndzhwalo hi tigede ta muti lowu hi siku ra Savata naswona mi xixima siku ra Savata hi ku ka mi nga tirhi hi siku rero,+
25 kutani tihosi ni tindhuna leti tshamaka exiluvelweni xa Davhida+ na tona ti ta nghena hi tigede ta muti lowu ti khandziye kalichi ni tihanci, tona ni tindhuna ta tona, vanhu va Yuda ni vaaki va Yerusalema;+ muti lowu wu ta va ni vaaki hilaha ku nga heriki.
26 Vanhu va ta ta va huma emitini ya Yuda, etindhawini leti nga ekusuhi na Yerusalema, etikweni ra Benjamini,+ endhawini leyi nga rivala,+ endhawini leyi nga ni tintshava ni le Negebu,* va tisa magandzelo yo hisiwa,+ magandzelo man’wana,+ magandzelo ya mavele,+ murhi wa risuna ni magandzelo yo khensa endlwini ya Yehovha.+
27 “‘“Kambe loko mi nga ndzi yingisi hi ku xixima siku ra Savata ni hi ku rhwala mindzhwalo mi nghena na yona hi tigede ta muti wa Yerusalema hi siku ra Savata, ndzi ta hisa tigede ta wona hi ndzilo, wu ta hisa swihondzo swa Yerusalema+ naswona a wu nge timiwi.”’”+
Tinhlamuselo ta le hansi
^ Vona Tinhlamuselo.
^ Hi Xiheveru, “Tindhawu ta wena leti tlakukeke.”
^ Kumbexana “Hikuva ku fana ni ndzilo u lumekiwile hi ku hlundzuka ka mina.”
^ Hi Xiheveru, “endlaka nyama yi va voko rakwe.”
^ Kumbe “munhu loyi a nga ni matimba.”
^ Kumbe “munhu loyi a nga ni matimba.”
^ Kumbexana “a yi tshunguleki.”
^ Hi Xiheveru, “tinso.”
^ Kumbe “lovisa hilaha ku phindhiweke kambirhi.”
^ Hi Xiheveru, “va nonon’hwise tinhamu ta vona.”
^ Kumbe “dzongeni.”
