Yeremiya 18:1-23
18 Yehovha a vulavula na Yeremiya a ku:
2 “Suka u yima u ya endlwini ya muvumbi,+ loko u fika kona ndzi ta vulavula na wena.”
3 Hiloko ndzi ya endlwini ya muvumbi, a a ri karhi a endla xibya ehenhla ka mavhilwa ya muvumbi.
4 Kambe xibya lexi muvumbi a a ri karhi a xi endla hi vumba, xi onhakile xi ri evokweni ra yena. Hiloko muvumbi a tlhela a sungula ku endla xibya xin’wana hi ku tirhisa xona, hilaha a swi tsakela hakona.*
5 Kutani Yehovha a vulavula na mina a ku:
6 “‘Xana ndzi nga tsandzeka ku mi endla hilaha muvumbi a endlaka hakona eka vumba lebyi nga evokweni ra yena, n’wina Vaisrayele?’ ku vula Yehovha. ‘Maswivo! Evokweni ra mina mi fana ni vumba lebyi nga evokweni ra muvumbi, n’wina Vaisrayele.+
7 Nkarhi wun’wana ni wun’wana loko ndzi vulavula hi ku tsuvula, ku hirimuxa ni ku lovisa tiko kumbe mfumo,+
8 kutani tiko rero ri tshika vubihi bya rona lebyi ndzi vulavuleke ha byona, ndzi ta cinca miehleketo* hikwalaho ka khombo leri a ndzi ehleketa ku ri tisa eka rona.+
9 Kambe loko nkarhi wun’wana ni wun’wana ndzi vulavula hi ku aka ni ku simeka tiko kumbe mfumo,
10 kutani loko ri ndzi dyohela naswona ri nga yingisi rito ra mina, swilo leswinene leswi a ndzi tiyimisele ku ri endlela swona a ndzi nge he swi endli.’
11 “Sweswi ndzi kombela u byela vanhu va le Yuda ni vaaki va le Yerusalema u ku, ‘Yehovha u ri: “Ndzi ehleketa ku mi tisela khombo, ndzi mi lukela mano. Ndzi kombela mi tshika tindlela ta n’wina leto biha, mi endla tindlela ta n’wina ni swiendlo swa n’wina swi va swinene.”’”+
12 Kambe va te: “A swi pfuni nchumu!+ Hikuva hi ta endla swilo hilaha hi anakanyaka hakona naswona un’wana ni un’wana wa hina u ta endla swilo hi ku ya hi ku sihalala ka mbilu yakwe yo homboloka.”+
13 Hikwalaho Yehovha u ri:
“Ndzi kombela mi vutisa exikarhi ka matiko.
I mani loyi a nga tshama a twa swilo swo fana ni leswi?
Nhwana wa Israyele u endle nchumu wo chavisa ngopfu.+
14 Xana gamboko ya le Lebanoni ya nyamalala emaribyeni lawa ma nga ematlhelo ka yona?
Kumbe xana mati yo titimela lama khulukaka ma huma ekule ma ta phya?
15 Kambe vanhu va mina va ndzi rivele.+
Hikuva va endlele nchumu lowu nga pfuniki nchumu magandzelo,+Va endla leswaku vanhu va khudlunyeka etindleleni ta vona, tindlela ta khale,+Va famba etindleleni tin’wana leti nga lunghisiwangiki,
16 Leswaku va endla tiko ra vona ri va nchumu lowu chavisaka+Ni nchumu lowu beriwaka noti hilaha ku nga heriki.+
Un’wana ni un’wana loyi a hundzaka kwalaho u ta ri languta kutani a chava a tlhela a hlakahla nhloko.+
17 Ndzi ta va hangalasa emahlweni ka nala ku fana ni moya wa le vuxeni.
Hi siku ra vona ra khombo ndzi ta va komba nhlana, ku nga ri xikandza.”+
18 Kutani va te: “Tanani, a hi boheleni Yeremiya+ kungu hikuva nawu* a wu nge heli eka vaprista va hina kumbe xitsundzuxo eka vavanuna lavo tlhariha kumbe rito eka vaprofeta. Tanani a hi n’wi hlaseleni hi marito* naswona hi nga swi tekeli enhlokweni leswi a swi vulaka.”
19 Yehovha Xikwembu xanga, ndzi yingise,U tlhela u yingisela ni leswi valala va mina va swi vulaka.
20 Xana swilo leswinene swi fanele swi tlheriseriwa hi swilo swo biha?
Hikuva va cele mugodi leswaku va ndzi dlaya.+
Tsundzuka ndlela leyi ndzi yimeke emahlweni ka wena ha yona ndzi vulavula swilo leswinene ha vona,Leswaku u tlherisa vukarhi bya wena eka vona.
21 Hikwalaho nyiketa vana va vona va majaha leswaku va dlayiwa hi ndlala,Kutani vona u va nyiketa ematimbeni ya banga.+
Onge vasati va vona va nga sala va nga ri na vana va tlhela va va tinoni,+Onge vavanuna va vona va nga dlayiwa hi ntungu lowu dlayaka,Majaha ya vona ma dlayiwa hi banga enyimpini.+
22 A ku twakale xirilo etindlwini ta vonaLoko hi xitshuketa u va tisela mavuthu ya vaphangi.
Hikuva va cele mugodi leswaku va ta ndzi khomaMilenge ya mina va yi rhiye hi swirimbana.+
23 Kambe Yehovha Xikwembu xanga,U ma tiva kahle makungu ya vona yo ndzi dlaya.+
U nga va rivaleli xihoxo xa vona,U nga xi suli xidyoho xa vona emahlweni ka wena.
A va khunguvanyeke emahlweni ka wena+Loko u teka goza u lwa na vona u hlundzukile.+
Tinhlamuselo ta le hansi
^ Hi Xiheveru, “hilaha a swi lulamile ematihlweni ya muvumbi ku xi endla hakona.”
^ Kumbe “tisola.”
^ Kumbe “xileriso.”
^ Hi Xiheveru, “beni hi ririmi.”
