Yeremiya 2:1-37
2 Yehovha a vulavula na mina a ku:
2 “Famba u ya vulavula etindleveni ta Yerusalema u ku, ‘Yehovha u ri:
“Ndzi ku tsundzuka kahle ku tinyiketela ka wena loko wa ha ri muntshwa,+Rirhandzu leri u ri kombiseke loko wa ha tshembisiwe ku tekiwa,+Ndlela leyi u ndzi landzeleke ha yona emananga,Etikweni leri nga byariwangiki mbewu.+
3 Israyele a a kwetsima eka Yehovha,+ a ri ntshovelo wakwe wo sungula.”’
‘Lava n’wi lovisaka a va ta va ni nandzu.
A va ta weriwa hi khombo,’ ku vula Yehovha.”+
4 Twanani rito ra Yehovha, n’wina vatukulu va Yakobo,Na n’wina hinkwenu mindyangu ya vana va Israyele.
5 Yehovha u ri:
“Xana vakokwa wa n’wina va kume xihoxo xihi eka mina,+Leswi va yeke ekule swinene na mina,Va landzeleleke swikwembu leswi nga pfuniki nchumu+ va tlhela va hundzuka lava nga pfuniki nchumu?+
6 A va vutisanga va ku, ‘Yehovha u kwihi,Loyi a hi humeseke etikweni ra Egipta,+Loyi a hi kongomiseke emananga,Etikweni leri nga makwandzasi+ ni migodi,Etikweni leri nga ni dyandza+ ni munyama lowukulu,Etikweni leri ku nga fambiki vanhu
Ni leri ku nga tshamiki vanhu?’
7 Kutani ndzi mi tise etikweni ra mitanga ya mihandzu,Leswaku mi dya mihandzu ya rona ni swilo leswinene swa rona.+
Kambe n’wina mi fike mi thyakisa tiko ra mina;Mi endle ndzhaka ya mina yi va nchumu lowu nyenyetsaka.+
8 Vaprista a va vutisanga va ku, ‘Yehovha u kwihi?’+
Lava dyondzisaka Nawu a va ndzi tivanga,Varisi va ndzi xandzukerile,+Vaprofeta va profete hi Bali,+Va landzele lava a va nga ta va pfuna ha nchumu.
9 ‘Hikwalaho ndzi ta ya emahlweni ndzi mi hehla,’+ ku vula Yehovha,‘Ndzi ta hehla ni vatukulu va n’wina.’
10 ‘Kambe tsemakanyani mi ya eswihlaleni* swa Kitimi+ kutani mi vona.
Rhumelani munhu eKedari+ mi anakanyisisa;Mi vona loko swilo swo fana ni leswi swi tshame swi endleka.
11 Xana tiko ri tshame ri cinca swikwembu swa rona ri teka swilo leswi nga riki swikwembu?
Kambe vanhu va mina va vangamise swilo leswi nga pfuniki nchumu ku ri ni ku vangamisa mina.+
12 Langutani leswi hi ku hlamala, n’wina matilo;Mi rhurhumela hi ku chava lokukulu,’ ku vula Yehovha,
13 ‘Hikuva vanhu va mina va endle swilo swimbirhi swo biha:
Va ndzi fularherile mina xihlovo xa mati lama hanyaka,+Va ya ticelela* swihlovo,Swihlovo leswi boxekeke, leswi nga kotiki ku hlayisa mati.’
14 ‘Xana Israyele i nandza kumbe i hlonga leri tswariweke endyangwini?
Kutani hikwalaho ka yini a phangeriwe swilo swakwe?
15 Swinghalana swa n’wi vombela;+Swi tlakuse rito ra swona.
Swi endla tiko ra yena ri va nchumu lowu chavisaka.
Miti ya yena yi hisiwile leswaku ku nga vi na muaki.
16 Vanhu va le Nofu*+ ni va le Tahapenese+ va dyela ethavathaveni ya nhloko ya wena.
17 Xana a wu tivangelanga sweswoHi ku fularhela Yehovha Xikwembu xa wena+Loko a ku kongomisa endleleni?
18 Hikwalaho ka yini sweswi u navela ndlela yo ya eEgipta+Leswaku u ya nwa mati ya Xihoro?*
Hikwalaho ka yini u navela ndlela yo ya eAsiriya+Leswaku u ya nwa mati ya Nambu?*
19 Vubihi bya wena byi fanele byi ku lulamisa,Ni ku nga tshembeki ka wena ku fanele ku ku tshinya.
Swi tive u tlhela u xiya ndlela leyi swi nga biha ha yona ni ku vanga gome+Ku tshika Yehovha Xikwembu xa wena;A wu ndzi chavanga,’+ ku vula Yehovha wa mavuthu, Hosi Leyi Tlakukeke.
20 ‘Ndzi ri tshovelele khale swinene joko ra wena+Ndzi tseme tinketana leti a wu boheleriwe ha tona.
Kambe u te: “A ndzi nge tirhi,”Hikuva exintshabyanini xin’wana ni xin’wana ni le hansi ka murhi wun’wana ni wun’wana lowukulu+U ganame u endla vunghwavava.+
21 Ndzi ku byale u ri murhi wa madiriva yo tshwuka lowunene ngopfu+ hi mbewu leyi tengeke;Kutani swi tise ku yini leswaku u hundzuka murhi wa madiriva wumbe lowu humesaka swirhabyana swo bola emahlweni ka mina?’+
22 ‘Hambiloko wo hlamba hi munyu* ni xisibi xo tala,Xidyoho xa wena xa ha ta va xivati emahlweni ka mina,’+ ku vula Yehovha Hosi Leyi Tlakukeke.
23 U nga vurisa ku yini u ku, ‘A ndzi tithyakisanga.
A ndzi va landzelanga Vabali’?
Vona ndlela ya wena enkoveni.
Lemuka leswi u swi endleke.
U fana ni kamela leyitsongo ya xisati leyi nga ni rivilo,Leyi tsutsumaka yi ya hala ni hala endleleni ya yona,
24 Mbhongolo ya nhova leyi toloveleke mananga,Leyi nun’hwetelaka moya yi ri karhi yi tshwa hi ku navela yi lava ya xinuna.
I mani loyi a nga yi sivelaka loko yi ri eku tshweni?
Leti ti yi lavaka a ti nge tikarhati.
Ti ta yi kuma hi nguva* ya yona.
25 U nga fambi u nga ambalanga nchumu emilengeniNaswona u nga khomiwi hi torha.
Kambe u te, ‘A swi pfuni nchumu!+
E-e! Ndzi rhandze vafambi,*+Ndzi ta va landzela.’+
26 Vaisrayele va khomisiwe tingana,Ku fana ni tingana ta khamba loko ri kumiwile,Vona, tihosi ta vona ni tihosana ta vona,Vaprista va vona ni vaprofeta va vona.+
27 Va byela murhi va ku, ‘Wena u tatana,’+Eka ribye va ku, ‘Wena u ndzi velekile.’
Kambe mina va ndzi komba xikosi ku nga ri xikandza.+
Loko va weriwa hi khombo va ta ku,‘Yima u hi ponisa!’+
28 Sweswi swi kwihi swikwembu swa wena leswi u tiendleleke swona?+
A swi yime loko swi ta kota ku ku ponisa loko u weriwa hi khombo,Hikuva swikwembu swa wena swi tele ku fana ni miti ya wena, wena Yuda.+
29 ‘Hikwalaho ka yini mi tshamela ku ndzi hehla?
Hikwalaho ka yini mi ndzi xandzukerile hinkwenu ka n’wina?’+ ku vula Yehovha.
30 Vana va n’wina ndzi va bile kambe a swi pfunanga nchumu.+
A va yi amukelanga ndzayo;+Banga ra n’wina ri lovise vaprofeta va n’wina,+Ku fana ni nghala leyi hlaselaka.
31 N’wina vanhu, anakanyisisani hi rito ra Yehovha.
Xana ndzi hundzuke mananga eka IsrayeleKumbe tiko ra munyama lowukulu?
Hikwalaho ka yini vanhu va mina va te, ‘Hi fambafamba hi tshunxekile.
A hi nge he ti eka wena’?+
32 Xana nhwana a nga rivala swin’wetsin’wetsi swakwe,Mutekiwa a nga rivala bandhi rakwe ro ri tlhandleka exifuveni?
Kambe vanhu va mina va ndzi rivarile ku ringana masiku yo tala.+
33 U ni vuswikoti byo lava vavanuna lava nga ta ku rhandza wena wansati!
U tiletele ku endla swilo swo biha.+
34 Hambi ku ri swiambalo swa wena swi totiwe hi ngati ya swisiwana leswi nga riki na nandzu,+Hambileswi ndzi nga swi kumangiki swi ri karhi swi tshova tiyindlu ta wena;Ngati ya swona yi le swiambalweni swa wena hinkwaswo.+
35 Kambe u ri, ‘A ndzi na nandzu.
Entiyisweni a nga ha ndzi hlundzukelanga.’
Sweswi ndzi ta ku avanyisaHikuva u ri, ‘A ndzi dyohanga.’
36 Hikwalaho ka yini u byi teka byi nga ri nchumu vubihi lebyi u byi endlaka?
U ta khomisiwa tingana hi Egipta,+Hilaha u khomisiweke tingana hakona hi Asiriya.+
37 Hikwalaho ka sweswo u ta tlhela u huma u tlhandleke mavoko enhlokweni+ u khomiwe hi tingana,Hikuva Yehovha u bakanye lava u va tshembaka;A va nge ku pfuni.”
Tinhlamuselo ta le hansi
^ Kumbe “ematikweni lama nga ekusuhi ni lwandle.”
^ Kumbe “kovotla,” kumbexana eribyeni.
^ Kumbe “Memfisi.”
^ Ku nga Yufrata.
^ Ku nga nkova lowu humaka eNambyeni wa Nayili.
^ Hi Xiheveru, “soda.” Kumbe “alkali.”
^ Hi Xiheveru, “n’hweti ya yona.”
^ Kumbe “swikwembu swa le matikweni man’wana.”
