Yeremiya 22:1-30
22 Yehovha u ri: “Rhelela u ya endlwini ya hosi ya Yuda, u fika u vula rungula leri.
2 U fanele u ku, ‘Twana rito ra Yehovha, wena hosi ya Yuda loyi a tshameke exiluvelweni xa Davhida, wena ni malandza ya wena ni vanhu va wena lava nghenaka hi tigede leti.
3 Yehovha u ri: “Kombisani vululami mi endla leswinene. Ponisani loyi a kanganyisiwaka hi mukanganyisi. Mi nga n’wi khomi hi ndlela yo biha muluveri naswona mi nga vavisi n’wana loyi a nga riki na tatana* kumbe noni.+ Mi nga halati ngati leyi nga riki na nandzu endhawini leyi.+
4 Hikuva loko mo tikarhatela ku endla leswi, tihosi leti tshamaka exiluvelweni xa Davhida+ ti ta nghena hi tinyangwa ta yindlu leyi, ti gade makalichi ni tihanci, tona ni malandza ya tona ni vanhu va tona.”’+
5 “‘Kambe loko mo ka mi nga ma yingisi marito lawa, ndzi hlambanya hi mina,’ ku vula Yehovha, ‘leswaku yindlu leyi yi ta va rhumbi.’+
6 “Hikuva Yehovha u vula leswi hi yindlu ya hosi ya Yuda,‘Eka mina u fana na Giliyadi,Ku fana ni nhlohlorhi ya Lebanoni.
Kambe ndzi ta ku endla mananga;A ku nge he vi na vaaki emitini ya wena.+
7 Ndzi ta hlawula vanhu lava nga ta ku lovisa,Un’wana ni un’wana a khome matlhari yakwe.+
Va ta tsema mikedari ya wena leyinene ngopfu
Va yi wisela endzilweni.+
8 “‘Matiko yo tala ma ta hundza hi le mutini lowu kutani ma vutisana ma ku: “Hikwalaho ka yini Yehovha a endle swilo leswi eka muti lowu lowukulu?”+
9 Kutani vanhu va ta hlamula va ku: “Hikwalaho ka leswi va tshikeke ntwanano wa Yehovha Xikwembu xa vona kutani va khinsamela swikwembu swin’wana ni ku swi tirhela.”’+
10 Mi nga n’wi rileli loyi a nga fa,Naswona mi nga n’wi tlhaveli mukhosi.
Ku ri na sweswo, n’wi rileleni ngopfu loyi a fambaka,Hikuva a nge he tlheli a vuya a ta vona tiko leri a velekiweke eka rona.
11 “Hikuva Yehovha u vula leswi hi Xalumu*+ n’wana wa Yosiya, hosi ya Yuda loyi a fumaka ematshan’weni ya Yosiya+ tata wakwe, loyi a sukeke endhawini leyi: ‘A nge he tlheleli kwalaho.
12 Hikuva u ta fela endhawini leyi va n’wi yiseke evuhlongeni eka yona naswona a nge he ri voni tiko leri.’+
13 Khombo eka loyi a akaka yindlu yakwe hi vukanganyisiNi makamara yakwe ya le henhla, ku nga ri hi vululami,Loyi a tirhisaka munhu un’wana mahala,A ala ku n’wi hakela;+
14 Loyi a nge, ‘Ndzi ta tiakela yindlu leyikulu
Leyi nga ni makamara ya le henhla lama pfulekeke.
Ndzi ta yi endlela mafasitereNdzi tlhela ndzi yi nameka mapulanga ya mukedari naswona ndzi ta yi penda hi pende yo tshwuka.’
15 Xana u ta ya emahlweni u fuma hileswi u tlulaka van’wana hi ndlela leyi u wu tirhisaka ha yona mukedari?
Tata wa wena na yena u dyile a tlhela a nwa,Kambe u kombise vululami ni ku endla leswinene+Swilo swi n’wi fambele kahle.
16 U yimelele ku avanyisiwa ka loyi a xanisekaka ni xisiwana,Leswaku swilo swi famba kahle.
‘Xana sweswo a hi swona leswi swi vulaka swona ku ndzi tiva?’ ku vula Yehovha.
17 ‘U tshamela ku lava tindlela u tlhela u anakanya hi ku kuma swilo hi ndlela ya vukanganyisi,Eku halateni ka ngati leyi nga riki na nandzu,Ni le ku endleni ka vukungundzwana ni ku phanga.’
18 “Hikwalaho Yehovha u vula leswi hi Yoyakimi+ n’wana wa Yosiya, hosi ya Yuda,‘A va nge n’wi rileli va ku:
“Yoo, buti wa mina! Yoo, sesi wa mina!”
A va nge n’wi rileli va ku:
“Yoo, n’wini wanga! Yoo, xindzhuti xakwe xi fambile!”
19 U ta lahliwa ku fana ni mbhongolo,+A kokakokiwa ni ku cukumetiwa,Ehandle ka tigede ta Yerusalema.’+
20 Tlhandluka u ya eLebanoni u fika u huwelela,Tlakusa rito ra wena eBaxani,U huwelela u ri eAbarima,+Hikuva hinkwavo lava a wu rhandzana na vona va lovisiwile.+
21 Ndzi vulavule na wena loko wa ha sirhelelekile.
Kambe u te, ‘A ndzi nge yingisi.’+
U endle sweswo ku sukela loko wa ha ri muntshwa,Hikuva a wu ri yingisanga rito ra mina.+
22 Moya wu ta risa varisi va wena hinkwavo,+Lava u rhandzanaka na vona va ta ya evuhlongeni.
Kutani u ta khomisiwa tingana hikwalaho ka khombo ra wena.
23 Wena loyi a tshamaka eLebanoni,+Loyi a tshamaka exikarhi ka mirhi ya mikedari,+U ta konya loko u fikeriwa hi switlhavi,Switlhavi swa ku fana ni swa wansati loyi a velekaka!”+
24 “‘Leswi ndzi hanyaka,’ ku vula Yehovha, ‘hambiloko Koniya*+ n’wana wa Yoyakimi+ hosi ya Yuda, a ri xingwavila xo fungha evokweni ra mina ra xinene, a ndzi ta ku susa kwalaho!
25 Ndzi ta ku nyiketa eka lava va lavaka ku ku dlaya, eka lava u va chavaka, eka Hosi Nebukadnetsara* wa le Babilona ni le ka Vakalidiya.+
26 Ndzi ta ku cukumeta etikweni leri u nga velekiwangiki eka rona wena ni mana wa wena loyi a ku velekeke naswona mi ta fela kona.
27 A va nge pfuki va tlhelele etikweni leri va ri navelaka.+
28 Xana wanuna loyi Koniya wo va mbita leyi fayekeke leyi vengiwaka,Xibya lexi nga laviwiki hi munhu?
Hikwalaho ka yini yena ni vatukulu vakwe va lahliwa,Va cukumeteriwa etikweni leri va nga ri tiviki?’+
29 Wena misava,* misava, misava, twana rito ra Yehovha.
30 Yehovha u ri:
‘Tsalani ehansi leswaku wanuna loyi a nga na n’wana,Leswaku i munhu loyi swilo swi nga taka swi nga n’wi fambeli kahle vutomi byakwe hinkwabyo,Hikuva a nga kona eka vatukulu vakwe loyi a nga ta kotaKu tshama exiluvelweni xa Davhida ni ku tlhela a fuma eYuda.’”+
Tinhlamuselo ta le hansi
^ Kumbe “n’wana un’wana ni un’wana loyi a nga riki na vatswari.”
^ Vito ra yena rin’wana i Yowohazi.
^ Vito ra yena rin’wana i Yoyakini na Yekoniya.
^ Hi Xiheveru, “Nebukadretsara,” ku nga matsalelo lama hambaneke.
^ Kumbe “tiko.”
