Yeremiya 4:1-31
4 “Loko wo vuya, wena Israyele,” ku vula Yehovha,“Loko wo vuyela eka minaLoko wo susa swikwembu swa wena leswi nyenyetsaka emahlweni ka mina,A wu nge he vi mubaleki.+
2 Loko wo hlambanya hi ntiyiso, hi vululami ni hi ku tshembeka u ku,‘Leswi Yehovha a hanyaka!’
Kutani matiko ma ta tikatekisa hi yena,Ma ta tibuma hi yena.”+
3 Hikuva Yehovha u byela vanhu va Yuda na Yerusalema a ku:
“Rimani misava leyi rimekaka,Mi nga tshameli ku byala exikarhi ka mitwa.+
4 Tiyimbiseni eka Yehovha,Mi susa minsuvu* ya timbilu ta n’wina,+N’wina vanhu va Yuda ni vaaki va Yerusalema,Leswaku vukarhi bya mina byi nga pfurhi ku fana ni ndzilo,Lerova byi hisa ku kala ni munhu wo byi timela,Hikwalaho ka mitirho ya n’wina leyo biha.”+
5 Swi vuleni eYuda, mi swi twarisa ni le Yerusalema.
Huwelelani mi ba nanga etikweni hinkwaro.+
Huwelelani swinene mi ku: “Hlengeletanani,A hi balekeleni emitini leyi biyeleriweke.+
6 Yimisani mhandzi leyi kombisaka ndlela yo ya eSiyoni.
Lavani ndhawu yo tumbela eka yona naswona mi nga yimi mi ku whii,”Hikuva ndzi tisa khombo lerikulu hi le n’walungwini.+
7 Ku fana ni nghala leyi humaka ekhwatini ra yona;+Mulovisi wa matiko u humile.+
U humile endhawini yakwe leswaku a endla tiko ra n’wina ri va nchumu lowu chavisaka.
Miti ya n’wina yi ta va marhumbi, a ku nge tshami munhu.+
8 Hikwalaho, ambalani xiambalo* xo khwaxa,+Rilani mi huwelela,Hikuva ku hlundzuka lokukulu ka Yehovha a ku sukanga eka hina.
9 “Hi siku rero” ku vula Yehovha, “hosi a yi nge he vi na xivindzi,+Ni tihosana a ti nge vi na xivindzi;Vaprista va ta tsemeka nhlana ni vaprofeta va ta hlamala.”+
10 Kutani ndzi ku: “Yehovha Hosi Leyi Tlakukeke! Entiyisweni u va xise hi ku helela vanhu lava+ swin’we na Yerusalema u ku, ‘Mi ta va ni ku rhula,’+ kasi banga ri le mikolweni ya hina.”
11 Hi nkarhi wolowo ku ta vuriwa leswi eka vanhu lava swin’we na Yerusalema:
“Moya wo hisa lowu humaka eswintshabyanini swa le manangaWu ta hisa nhwanyana wa* vanhu va mina;A wu teli ku peperha kumbe ku basisa.
12 Ndzi ta lerisa moya wa matimba wu huma etindhawini leti.
Sweswi ndzi ta avanyisa vanhu va mina.
13 Waswivo! Nala u ta ta ku fana ni mapapa ya mpfula,Makalichi yakwe ma fana ni xidzedze.+
Tihanci takwe ti ni rivilo swinene ku tlula magama.+
Khombo eka hina hikuva hi lovisiwile!
14 Wena Yerusalema, hlantswa mbilu ya wena u susa vubihi leswaku u ponisiwa.+
Xana u ta tshama u ri ni miehleketo yo biha ku fikela rini?
15 Hikuva rito ri vulavula ri huma eDani,+Naswona ri tivisa khombo ri ri etintshaveni ta Efrayimi.
16 Byelani matiko rungula leri;
Ri twariseni ku lwa na Yerusalema.”
“Varindzi* va ta va huma etikweni ra le kule,Va ta huwelela ku lwa ni miti ya Yuda.
17 Va huma ematlhelweni hinkwawo ku fana ni varindzi va le nhoveni va ta va ta lwa na yena,+Hikuva u ndzi xandzukerile,”+ ku vula Yehovha.
18 “U ta riha hikwalaho ka tindlela ta wena ni swiendlo swa wena.+
Khombo ra wena ra bava,Hikuva ku xandzuka ka wena ku dzikile embilwini ya wena!”
19 Ndzi tshikilelekile,* ndzi tshikilelekile!
Ndzi twa ku vava ngopfu embilwini ya mina.
Mbilu ya mina yi bela ehenhla swinene.
A ndzi swi koti ku miyela,Hikuva ndzi twe mpfumawulo wa nanga,Huwa ya nyimpi.*+
20 Ku vikiwe makhombo hi ku landzelana,Hikuva tiko hinkwaro ri lovisiwile.
Matende ya mina ma lovisiwile hi xitshuketa,Malapi ya tende ra mina hi nkarhinyana.+
21 Xana ndzi ta tshamela ku vona mhandzi yo kombisa ndlela yo ya eSiyoni ku fikela rini,Ni ku twa mpfumawulo wa nanga?+
22 “Hikuva vanhu va mina i swiphukuphuku;+A va na mhaka na mina.
I vana lava nga tlharihangiki, a va twisisi.
Va tlharihile eku endleni ka leswo biha,Kambe a va swi tivi ku endla leswinene.”
23 Ndzi vone tiko, waswivo, a ri nga ri na nchumu, a ri ri rhumbi.+
Ndzi languta ematilweni naswona ku vonakala ka wona a ku nga ha ri kona.+
24 Ndzi vone tintshava, waswivo, a ti tsekatseka,Ni swintshabyana a swi ninginika.+
25 Ndzi langutile, waswivo, a ku nga ri na munhu,Ni swinyenyana hinkwaswo a swi balekile.+
26 Ndzi langutile, waswivo, ntanga wa mihandzu a wu hundzuke mananga,Ni miti hinkwayo ya wona a yi hirimuxiwile.+
Sweswo swi endliwe hi Yehovha,Hikwalaho ka ku hlundzuka kakwe.
27 Hikuva Yehovha u ri: “Tiko hinkwaro ri ta va rhumbi,+Kambe a ndzi nge ri herisi hi ku helela.
28 Tiko ri ta rila hikwalaho ka sweswo,+Matilo ma ta hundzuka munyama.+
Hikuva ndzi vulavurile, ndzi endle xiboho,A ndzi nge cinci miehleketo* kumbe ndzi tshika ku teka goza.+
29 Hikwalaho ka mpfumawulo wa vagadi va tihanci ni vacopi va miseve,Tiko hinkwaro ra baleka.+
Ri nghena emakhwatini,Ri khandziya emaribyeni.+
Miti hinkwayo yi tshikiwile,A ku na munhu loyi a tshamaka eka yona.”
30 Leswi sweswi u nga lovisiwa, xana u ta endla yini?
A wu ambala swiambalo swo tshwuka,U tisasekisa hi swin’wetsin’wetsi swa nsuku,U tipenda matihlo hi pende ya ntima.
Kambe a swi pfuni nchumu leswi u tisasekiseke,+Hikuva lava va ku navelaka va ku bakanyile;
Sweswi va lava ku ku dlaya.+
31 Hikuva ndzi twe rito leri fanaka ni ra wansati loyi a vabyaka,Maxangu yo fana ni ya wansati loyi a velekaka n’wana wakwe wo sungula,Rito ra nhwanyana wa Siyoni loyi a hefemutekaka a lava moya.
Loko a pfula mavoko yakwe u ri:+
“Khombo eka mina, hikuva ndzi karhele hikwalaho ka vadlayi!”
Tinhlamuselo ta le hansi
^ Ku nga nyama leyi tsemiwaka loko wanuna a yimbisiwa.
^ Kumbe “nguvu.”
^ Ku munhuhata hi ndlela ya ku phata, kumbexana ku kombisa ntwelavusiwana.
^ Ku nga lava rindzaka muti leswaku va tiva nkarhi wa ku hlasela.
^ Hi Xiheveru, “Marhumbu ya mina.”
^ Kumbexana “mpfumawulo wa tinsimu ta nyimpi.”
^ Kumbe “tisoli.”
