Yeremiya 47:1-7
-
Vuprofeta mayelana ni Vafilista (1-7)
47 Leri i rito ra Yehovha leri yaka eka muprofeta Yeremiya mayelana ni Vafilista,+ Faro a nga si hlula Gaza.
2 Yehovha u ri:
“Waswivo! Mati ma ta ma huma en’walungwini.
Ma ta hundzuka nambu lowu teleke.
Ma ta khukhula tiko ni swilo hinkwaswo leswi nga eka rona,Muti ni lava tshamaka eka wona.
Vanhu va ta huwelela,Un’wana ni un’wana loyi a tshamaka etikweni u ta rila.
3 Loko ku twala mpfumawulo wa swigingi swa tihanci takwe,Loko ku ketlaketla makalichi yakwe ya nyimpiNi pongo ra mavhilwa ya yena,Vatatana va baleka,Hikuva a va na xona xivindzi xo sirhelela vana va vona,
4 Hikuva siku ra ta leri ku nga ta lovisiwa Vafilista hinkwavo;+Hinkwavo lava tirhisanaka na vona eTiri+ ni le Sidoni+ va ta herisiwa.
Hikuva Yehovha u ta lovisa Vafilista,Lava saleke exihlaleni xa Kafitoro.*+
5 Ku ta va ni mpandlha* eGaza.
Axikeloni u miyetiwile.+
Wena la saleke erivaleni ra le hansi,Xana u ta tshama u ri karhi u tixekelela ku fikela rini?+
6 Aha! Banga ra Yehovha!+
Xana u ta tshama u nga miyeli ku fikela rini?
Tlhelela enkotlotweni wa wena.
Wisa u miyela.
7 Ri nga miyerisa ku yiniKasi ri lerisiwe hi Yehovha?
U ri rhumeLeswaku ri ya lwa na Axikeloni ni ribuwa ra lwandle.”+
Tinhlamuselo ta le hansi
^ Ku nga Kreta.
^ Hi leswaku, va ta byevula tinhloko ta vona hikwalaho ko rila ni ku khomiwa hi tingana.
