Yobo 11:1-20
11 Sofara+ wa Munamani a hlamula a ku:
2 “Xana marito lawa hinkwawo a ma nge hlamuriwi,Kumbe xana ku vulavula ngopfu swi nga endla munhu a va la lulameke?*
3 Xana ku phyaphyarha ka wena ku ta miyeta vanhu?
Xana a ku na loyi a nga ta ku tshinya hikwalaho ka marito ya wena yo hlekula?+
4 Hikuva u ri, ‘Ndzi dyondzisa leswinene,+Naswona ndzi basile ematihlweni ya wena.’+
5 Kambe loko a ko vulavula Xikwembu ntsena
Xi vulavula na wena!+
6 A xi ta ku komba swihundla swa vutlhari,Hikuva vutlhari byi rharhanganile swinene.
Kutani a wu ta swi tiva leswaku Xikwembu xa ku rivalela swin’wana swa swidyoho swa wena.
7 Xana u nga twisisa swilo leswi dzikeke swa Xikwembu
Kumbe u tiva hinkwaswo hi Lowa Matimba Hinkwawo?
8 Byi tlakuke ku tlula tilo. Xana u nga endla yini?
Byi ente ku tlula na Sirha.* Xana u nga tiva yini?
9 Byi lehe ku tlula misava,Naswona byi aname ku tlula ni lwandle.
10 Loko xo hundza xi khoma munhu xi n’wi konanisa,I mani a nga xi sivelaka?
11 Hikuva xa swi tiva loko vanhu va hemba.
Loko xi vona swo biha, xana a xi nge swi tivi?
12 Kambe xiphukuphuku xi ta twisisa
Ntsena loko xo vona mbhongolo ya nhova yi veleka munhu.
13 Loko ntsena wo lunghisa mbilu ya wena,U tlakusela mavoko ya wena eka xona.
14 Loko voko ra wena ri endla swo biha, swi tshike,Naswona u nga pfumeleli leswo biha swi tshama ematendeni ya wena.
15 Hikwalaho u ta tlakusa nhloko ya wena, u nga khomiwi hi tingana;U nga yima u tiyile, u nga chavi nchumu.
16 Kutani u ta rivala maxangu ya wena;U ta ma tsundzuka ku fana ni mati lama khulukeke ma ku hundza.
17 Vutomi bya wena byi ta voninga ku tlula nhlikanhi;Munyama wa byona wu ta fana ni ku voninga ka nimixo.
18 U ta tiya hikuva ku ni ntshembo,U ta rhalarhala, u etlela u nga chavi nchumu.
19 U ta etlela, u nga chavisiwi hi munhu,Naswona vanhu vo tala va ta lava u va komba tintswalo.
20 Kambe matihlo ya lavo homboloka a ma nge he voni;A va nge yi kumi ndhawu yo balekela eka yona,Ntshembo wa vona ku ta va ku ri rifu ntsena.”+
Tinhlamuselo ta le hansi
^ Kumbe “xana ku tibuma swi nga endla munhu a va la lulameke?”
^ Kumbe “Sheol.” Vona Tinhlamuselo.
