Yobo 21:1-34
21 Yobo a hlamula a ku:
2 “Ndzi yingiseleni kahle;Hikuva loko mi endla tano mi ta va mi ndzi chavelela.
3 Ndzi lehiseleni mbilu loko ndzi ri karhi ndzi vulavula;Mi ta ndzi hlekula loko ndzi hetile.+
4 Xana xivilelo xa mina ndzi xi kongomise eka munhu?
Loko a swi ri tano, xana a ndzi nga ta karhala?
5 Ndzi honoleleni mi hlamala;Ti pfaleni nomu hi voko.
6 Loko ndzi anakanya hi swona, ndza karhateka,Naswona miri wa mina hinkwawo wa rhurhumela.
7 Hikwalaho ka yini lavo homboloka va ya emahlweni va hanya,+Va dyuhala va tlhela va va swigwili?*+
8 Vana va vona va hanya nkarhi wo leha,Va hanya va kala va vona ni vatukulu va vona.
9 Tiyindlu ta vona ti sirhelelekile, a va chavi nchumu,+Naswona Xikwembu a xi va xupuli hi nhonga ya xona.
10 Tinkuzi ta vona ta mithisa;Tihomu ta vona ta veleka, a ti holoti.
11 Majaha ya vona ma tsutsumatsutsuma hala handle ku fana ni ntlhambi wa swifuwo,Ni vana va vona va tlanga.
12 Va yimbelela va ri karhi va chaya xingomana ni haripa,Va tsaka loko va twa mpfumawulo wa xitiringo.+
13 Va heta vutomi bya vona va tsakile,Naswona va ya eSirheni* va ri ni ku rhula.*
14 Kambe va byela Xikwembu xa ntiyiso va ku, ‘Hi tshike!
A hi swi tsakeli ku tiva tindlela ta wena.+
15 Xana Lowa Matimba Hinkwawo i mani leswaku hi n’wi tirhela?+
Swi ta hi pfuna yini ku va ni vuxaka na yena?’+
16 Kambe ndza swi tiva leswaku a va ri lawuli rifuwo ra vona.+
A ndzi anakanyi ku fana ni lavo homboloka.+
17 I kangani rivoni ra lavo homboloka ri timiwa?+
I kangani va weriwa hi makhombo?
I kangani Xikwembu xi va lovisa hikwalaho ka leswi xi va hlundzukeleke?
18 Xana va fana ni byanyi lebyi biwaka hi moyaNi muhungu* lowu biwaka hi moya?
19 Xikwembu xi ta hlayisela vana nxupulo hikwalaho ka xidyoho xa tata wa vona.
Kambe onge Xikwembu xi nga n’wi xupula na yena leswaku a ta swi tiva.+
20 A a weriwe hi khombo,Onge a nga nwa vukarhi bya Lowa Matimba Hinkwawo.+
21 Hikuva xana swi n’wi khumba kwihi leswi nga ta sala swi endleka endyangwini wa yena,Loko masiku ya yena ya ku hanya ma hungutiwile?+
22 Xana u kona la nga dyondzisaka Xikwembu vutivi*+
Kasi hi xona xi avanyisaka hambi ku ri lava tlakukeke?+
23 Ku ni loyi a faka a ha ri ni matimba,+A ri karhi a nga karhatiwi hi nchumu naswona swi n’wi fambela kahle,+
24 Loko mindzhumbi yakwe ya ha nonile,Ni marhambu yakwe ma ha tiyile.*
25 Kambe ku ni loyi a faka a tshikilelekile swinene,A nga tiphinanga hi leswinene.
26 Hinkwavo va ta etlela swin’we entshurini,+Hinkwavo va ta funengetiwa hi swivungu.+
27 Vonani! Ndza swi tiva leswi mi swi ehleketaka
Ni makungu lawa mi ndzi bohelaka wona.+
28 Hikuva mi ri, ‘Yi kwihi yindlu ya lowa xiyimo xa le henhla,Ri kwihi tende leri lowo homboloka a a tshama eka rona?’+
29 Xana mi va vutisile vafambi?
Xana ma swi kambisisa leswi va swi xiyeke,
30 Leswaku lowo biha wa ponisiwa hi siku ra khombo,Wa kutsuriwa hi siku ra ku hlundzuka?
31 I mani la nga ta n’wi vutisa hi mahanyelo yakwe,Naswona i mani la nga ta n’wi rihisa hi leswi a swi endleke?
32 Loko a yisiwa emasirheni,Ku ta vekiwa murindzi esirheni rakwe.
33 Mabuwa ya le nkoveni ma ta n’wi nandzihela,+Vanhu hinkwavo va ta n’wi landzela,+Ku fana ni vo tala lava n’wi rhangeleke.
34 Kutani hikwalaho ka yini mi ndzi chavelela hi marito ya hava?+
Leswi mi swi vulaka i vuxisi!”
Tinhlamuselo ta le hansi
^ Kumbe “ni matimba.”
^ Kumbe “eSheol.” Vona Tinhlamuselo.
^ Kumbe “hi xinkarhana” leswi vulaka leswaku va fa hi ku hatlisa va nga twanga ku vava.
^ Kumbe “vudyangwana.”
^ Kumbe “xo karhi.”
^ Hi Xiheveru, “mongo wa marhambu yakwe wu tsakama.”
