Yobo 24:1-25
24 “Hikwalaho ka yini Lowa Matimba Hinkwawo a nga vekanga nkarhi?+
Hikwalaho ka yini lava n’wi tivaka va nga ri voni siku rakwe?*
2 Vanhu va tlhentlhisa xipingwana;*+Va yiva tinyimpfu va ti yisa emadyelweni ya vona.
3 Va teka mbhongolo ya vana lava nga riki na tatanaNi nkuzi ya noni yi va xo khomela xikweleti.+
4 Va sindzisa swisiwana ku va nyizela endleleni;Lava nga riki na mupfuni va fanele va tumbela loko va va vona.+
5 Swisiwana swi hlota swakudya ku fana ni timbhongolo ta nhova+ emananga;Swi lavela vana va swona swakudya emananga.
6 Swi boheka ku tshovela ensin’wini ya un’wana,*Ni ku khwaja ensin’wini ya madiriva ya lowo homboloka.
7 Swi heta vusiku hinkwabyo swi nga ambalanga;+A swi na swo ambala loko ku ri ni xirhami.
8 Swi tsakamisiwa hi mpfula ya le tintshaveni;Swi namarhela maribye hikuva a swi na vutumbelo.
9 N’wana la nga riki na tatana u vutliwa eveleni;+Naswona swiambalo swa swisiwana swa tekiwa swi va swo khomela xikweleti,+
10 Swi boheka ku famba swi nga ambalanga nchumu,Swi rhwala tinyandza ta koroni swi ri ni ndlala.
11 Swi tirha bya mahlonga exikarhi ka makhumbi ri ri karhi ri vavula;*Swi kama madiriva, kambe swi fa hi torha.+
12 Lava faka va tshamela ku konya emutini;Lava vavisekeke ngopfu va rilela mpfuno,+Kambe Xikwembu a xi na mhaka na swona.*
13 Ku ni lava va xandzukelaka ku vonakala;+A va ti voni tindlela ta kona,Naswona a va ti landzeli tindlela ta kona.
14 Mudlayi u pfuka nimpundzu;A dlaya la nga riki na mupfuni ni xisiwana,+Kasi nivusiku u ya eku yiveni.
15 Muoswi, u yimela ri pela,+A ku, ‘A ku na la nga ta ndzi vona!’+
Naswona u tifunengeta xikandza.
16 Va tshova tiyindlu ta vanhu nivusiku;Ninhlikanhi a va humi.
Va chava ku vonakala.+
17 Hikuva mixo wu fana ni xinyami lexikulu eka vona;Va tolovele swilo swo chavisa swa munyama lowukulu.
18 Kambe va khukhuriwa hi ku hatlisa hi mati.
Ndhawu ya vona yi ta rhukaniwa.+
A va nge tlheleli emasin’wini ya vona ya madiriva.
19 Tanihi leswi dyandza ni mumu swi tekaka gamboko leyi n’okeke,Sirha* ri teka lava dyoheke!+
20 Mana wakwe u ta n’wi rivala; swivungu swi ta tiphina hi yena.
A nge he tsundzukiwi.+
Lava nga lulamangiki va ta tshoviwa ku fana ni murhi.
21 U xanisa wansati la nga mhika,A karhata noni.
22 Xikwembu xi ta herisa lava nga ni matimba hi ntamu wa xona;Hambiloko vo tlhela va va ni matimba a va na ntshembo wa leswaku va ta hanya.
23 Xikwembu xi va tshika va titshemba ni ku tivona va sirhelelekile,+Kambe xi vona hinkwaswo leswi va swi endlaka.*+
24 Va tlakusiwa swa xinkarhana ivi va nyamalala.+
Va fana ni swichocho swa koroni leswi tsemiwaka ivi swi hlengeletiwa;Va tsongahatiwa+ kutani va fa ku fana ni vanhu hinkwavo.
25 I mani la nga kombisaka leswaku ndza hembaKumbe ku kaneta leswi ndzi swi vulaka?”
Tinhlamuselo ta le hansi
^ Ku nga siku rakwe ra vuavanyisi.
^ Kumbe “xikhonkhwana.”
^ Kumbexana “Swi tshovela furu emasin’wini.”
^ Kumbexana “Swi pyanya mihandzu swi endla mafurha exikarhi ka makhumbi.”
^ Kumbexana “Xikwembu a xi voni munhu nandzu.”
^ Kumbe “Sheol.” Vona Tinhlamuselo.
^ Hi Xiheveru, “tindlela ta vona.”
