Yobo 31:1-40
31 “Ndzi endle ntwanano ni matihlo ya mina,+Wa leswaku a ndzi nge n’wi languti nhwana lerova ndzi n’wi navela.+
2 Kutani xana Xikwembu lexi nga le henhla xi ta ndzi nyika yini,Xana ku ni ndzhaka leyi ndzi nga ta yi kuma eka Lowa Matimba Hinkwawo la nga le henhla?
3 Xana khombo a ri weli loyi a endlaka leswo bihaNi maxangu a ma weli lavo homboloka?+
4 Xana a xi ti voni tindlela ta mina+Xi tlhela xi hlayela magoza ya mina hinkwawo?
5 Xana ndzi tshama ndzi hembela munhu?
Xana ndzi tshama ndzi kanganyisa munhu?+
6 Xikwembu a xi ndzi kale hi swikalo leswinene;+Kutani xi ta swi vona leswaku ndzi tshembekile.+
7 Loko milenge ya mina yi hambuka endleleni,+Kumbe mbilu ya mina yi landzele matihlo ya mina+Kumbe ndzi thyakise mavoko ya mina,
8 Kutani mbewu leyi ndzi yi byalaka a yi dyiwe hi un’wana,+Ni leswi ndzi swi byalaka a swi tsuvuriwe.*
9 Loko mbilu ya mina yi yengiwile hi wansati,+Kutani ndzi n’wi tumbelela+ enyangweni ya muakelani wa mina,
10 Loko swi ri tano nsati wa mina a a silele wanuna un’wana mavele,Naswona vavanuna van’wana a va etlele na yena.+
11 Hikuva sweswo ku ta va ku ri ku tikhoma loko biha,Xidyoho lexi lavaka nxupulo wa vaavanyisi.+
12 Ku ta va ku ri ndzilo lowu nga ta lovisa,+Wu hisa hinkwaswo leswi ndzi nga na swona.
13 Loko ndzi ale ku lulamisa mhaka ya malandza ya minaLoko ma rila hi mina,
14 Xana ndzi nga endla yini loko Xikwembu xi ndzi vutisa?
Ndzi ta ku yini loko xi lava nhlamulo?+
15 Xana mina na vona a hi vumbiwanga hi xona ekhwirini?+
Xana a hi xona xi hi vumbeke hi nga si velekiwa?+
16 Loko ndzi ale ku nyika swisiwana leswi swi swi lavaka+Kumbe ndzi khunguvanyise noni;+
17 Loko ndzi dye swakudya swa mina,Ndzi tsona vana lava nga riki ni vatswari;+
18 (Hikuva vana lava nga riki na tatana va kule na mina onge ndzi tata wa vona,A ndzi pfuna noni ku sukela loko ndza ha ri ntsongo.)
19 Loko ndzi vone munhu a xaniseka hikwalaho ko pfumala swiambalo,Kumbe xisiwana xi nga ri na swiambalo;+
20 Loko a nga ndzi khensanga,+Loko a ri karhi a kufumetiwa hi voya bya tinyimpfu ta mina;
21 Loko ndzi xungete n’wana la nga riki na vatswari hi xibakele+
Loko a kombela mpfuno eka mina egedeni ya muti;*+
22 Voko ra mina a ri phatluke hi le katleni,Voko ra mina a ri tshoveke hi le xikokolweni.
23 Hikuva a ndzi chavisiwa hi khombo leri humaka eka Xikwembu,A ndzi tsandzeka ku yima emahlweni ka ku vangama ka xona.
24 Loko ndzi tshembe nsuku
Kumbe ndzi byele nsuku lowunene ndzi ku, ‘U ta ndzi sirhelela!’+
25 Loko ndzi ve ni manyunyu hikwalaho ka rifuwo ra mina ro tala,+Hikwalaho ka swilo swo tala leswi a ndzi ri na swona;+
26 Loko ndzi vone ku vonakala ka dyambu,Kumbe ku famba ka n’weti wu ri karhi wu vangama;+
27 Ivi mbilu ya mina yi yengiwa,
Kutani nomu wa mina wu tswontswa voko ra mina, ndzi swi gandzela;+
28 Xexo a ku ta va xidyoho lexi lavaka nxupulo wa vaavanyisi,Hikuva a ndzi ta va ndzi landzule Xikwembu xa ntiyiso lexi nga le henhla.
29 Xana ndzi tshame ndzi tsaka loko ndzi vona nala wa mina a lovisiwa,+Kumbe ndzi khana loko a weriwa hi khombo?
30 A ndzi si tshama ndzi dyoha hi nomu wa minaHi ku n’wi rhukana ndzi n’wi navelela leswaku a fa.+
31 Xana vanhu lava tshamaka etendeni ra mina a va vulanga va ku,‘I mani loyi a tivaka munhu loyi a nga xurhangiki hi swakudya*+ swakwe?’
32 A ku na muluveri loyi a nga tshama a etlela ehandle;+A ndzi rhurhela ni vaendzi.
33 Xana ndzi tshame ndzi ringeta ku tumbeta swihoxo swa mina, ku fana ni vanhu van’wana,+Hi ku fihla xidyoho xa mina exikhwameni?
34 Xana ndzi tshame ndzi chava leswaku vanhu va ta ku yini,Kumbe xana ndzi tshame ndzi chava ku hlekiwa hi mindyangu yin’wana,Lerova ndzi miyela ndzi ku whii, ndzi chava ni ku humela ehandle?
35 Loko a ko va ni loyi a ndzi yingisaka!+
A ndzi ta tiyisekisa leswi ndzi swi vuleke hi ku swi sayina.
Lowa Matimba Hinkwawo a ndzi hlamule!+
Loko ntsena loyi a nga ndzi mangalela a a lo tsala leswi a ndzi hehlaka ha swona!
36 A ndzi ta swi rhwala hi katla,Naswona a ndzi ta swi boha enhlokweni ku fana ni harhi.
37 A ndzi ta xi byela xin’wana ni xin’wana lexi ndzi nga xi endla;A ndzi ta ya eka xona ndzi ri karhi ndzi titshemba, ku fana ni n’wana wa hosi.
38 Loko nsimu ya mina a yo rila hi mina,Ni misava ya kona swi rila swin’we;
39 Loko ndzi dye mihandzu ya yona mahala,+Kumbe loko ndzi dyise vini va yona mbitsi;+
40 A ku mile mitwa ematshan’weni ya koroniNi mfava wo nun’hwa ematshan’weni ya maxalana.”
Marito ya Yobo ma helela kwala.
Tinhlamuselo ta le hansi
^ Kumbe “vatukulu va mina a va tsuvuriwe.”
^ Kumbexana “Loko ndzi vona leswaku ndza seketeriwa egedeni ya muti.”
^ Hi Xiheveru, “nyama.”
