Yobo 35:1-16
35 Elihu a ya emahlweni a ku:
2 “Xana wa tiyiseka leswaku u lulamile leswi u vulaka u ku,‘Ndzi lulame ku tlula Xikwembu’?+
3 Hikuva u ri, ‘U* vuyeriwa hi yini loko ndzi endla leswinene?
Ndzi pfuneke hi yini leswi ndzi nga dyohangiki?’+
4 Ndzi ta ku hlamula
Ni vanghana va wena+ lava nga na wena.
5 Languta ehenhla etilweni u vona,Xiyisisa mapapa,+ lama nga le henhla ka wena.
6 Loko u dyoha, u xi twisa ku vava hi ndlela yihi?+
Loko swidyoho swa wena swi ya swi tala, u xi vavisa hi ndlela yihi?+
7 Loko u lulamile, u xi nyika yini;Xi kuma yini leswi humaka eka wena?+
8 Ku homboloka ka wena ku vavisa munhu la fanaka na wena ntsena,Ni ku lulama ka wena ku vuyerisa yena.
9 Vanhu va rila loko va khomiwa hi voko ra nsimbhi;Va lava ku tshunxiwa eka munhu wa matimba loyi a va tshikilelaka.+
10 Kambe a nga kona la nge, ‘Xi kwihi Xikwembu, Muendli wa mina Lonkulu,+Lexi endlaka leswaku ku yimbeleriwa tinsimu nivusiku?’+
11 Xi hi dyondzisa+ ku tlula swiharhi,+Xi hi tlharihisa ku tlula swinyenyana.
12 Vanhu va xi huwelela, kambe a xi hlamuli,+Hikwalaho ka leswi lavo homboloka va nga ni manyunyu.+
13 Entiyisweni Xikwembu a xi ma yingisi mavunwa;+Lowa Matimba Hinkwawo a nga na mhaka na wona.
14 A ha ha vuli loko u rila u vula leswaku a wu xi voni!+
Mhaka ya wena yi le mahlweni ka xona, hikwalaho u fanele u xi rindza.+
15 Hikuva a xi ku xupulanga xi hlundzukile;Kumbe xi byi tekela enhlokweni vuphukuphuku bya wena lebyikulu.+
16 Yobo u ahlamisa nomu wakwe mahala;U vula swilo swo tala leswi a nga swi tiviki.”+
Tinhlamuselo ta le hansi
^ Swi tikomba ku vuriwa Xikwembu.
