Yobo 39:1-30
39 “Xana wa wu tiva nkarhi lowu timbuti ta le tintshaveni ti tswalaka ha wona?+
Xana u tshame u vona mhunti loko yi tswala?+
2 Xana wa swi kota ku hlaya tin’hweti leti ti ti hetaka ti nga si veleka?
Xana wa wu tiva nkarhi lowu ti velekaka ha wona?
3 Ta khinsama loko ti tswala,Kutani ku lun’wa ka tona ku hela.
4 Vana va tona va tiyela, va tlhela va kula enhoveni;Va famba va nga ha tlheleli eka tona.
5 I mani la tshunxeke mbhongolo ya nhova,+Naswona i mani la tshunxeke tintambhu ta mbhongolo ya nhova?
6 Ndzi endle leswaku yi tshama emanangaKaya ra yona i tiko ra munyu.
7 Ya hleka loko muti wu pfilunganyeka;A yi ri twi ni pongo ra loyi a khayimaka swiharhi.
8 Yi famba yi lava swakudya etintshaveni,Yi lava swimilana swa rihlaza.
9 Xana nkuzi ya nhova yi nga ku tirhela?+
Xana yi nga etlela exivaleni* xa wena?
10 Xana u nga boha nkuzi ya nhova u yi yisa eku rimeni,Kumbe, xana u nga famba na yona yi ya rima masimu?
11 Xana u nga tshemba matimba ya yona lamakulu,U yi tirhisa ntirho wa wena wo tika?
12 Xana u nga yi tshemba leswaku yi vuyisa ntshovelo wa wena,Xana yi nga wu rhwala yi wu yisa exivuyeni* xa wena?
13 Yinca yi kavata timpapa ta yona yi tsakile,Kambe xana timpapa ni tinsiva ta yona swi nga fanisiwa ni swa ntavila?*+
14 Hikuva yi tshikela matandza ya yona ehansi,Yi tlhela yi ma fukamela kwalaho.
15 Ya rivala leswaku ma nga ha kandziyiwaKumbe swiharhi swi nga ma pyanya.
16 Yi khoma vana va yona hi nsele, onge hiloko va nga ri va yona;+A yi chavi leswaku yi nga va yi velekele swa hava.
17 Hikuva Xikwembu xi yi tsone vutlhari,*A xi yi nyikanga ku twisisa.
18 Kambe loko yi yima yi kavatela,Yi hleka hanci ni mugadi wa yona.
19 Xana hi wena u nyikaka hanci matimba?+
Xana hi wena u yi ambexaka ntshiva enhan’wini?
20 Xana u nga endla leswaku yi tlula ku fana ni njiya?
Ndlela leyi yi mpfhumpfhaka ha yona ya chavisa.+
21 Yi handza ehansi yi tlhela yi tsaka swinene;+Yi tsutsumela enyimpini.+
22 Ku chava ya ku hleka naswona a yi chavi nchumu.+
A yi tlhentlhi hambiloko yi vona banga.
23 Nkwama wa miseve wa ketlaketla loko yi ri karhi yi tsutsuma,Banga ni tlhari swa hatima.
24 Yi tlulatlula hikwalaho ko nyanyuka, yi ya emahlweni,A yi tshamiseki loko yi twa mpfumawulo wa nanga.
25 Loko yi twa mpfumawulo wa nanga yi ri, ‘Ahaa!’
Yi nun’hwetela nyimpi ya ha ri ekule,Yi twa ku huwelela ka tindhuna ta nyimpi ni pongo ra le nyimpini.+
26 Xana hi wena u endlaka leswaku xikhozana xi haha,Xi ya edzongeni?
27 Kumbe xana gama ri lerisa hi wena leswaku ri hahela ehenhla swinene+
Ni ku tlhela ri aka xisaka xa rona emaninginingini,+
28 Ri etlela eriweniRi tshama emaribyeni?
29 Ri hlota swakudya ri ri kwalaho;+Matihlo ya rona ma vona ekule swinene.
30 Mavondlo ya rona ma nwa ngati;Naswona ri tshama ri ri laha ku dlayiweke nchumu wo karhi.”+
Tinhlamuselo ta le hansi
^ Kumbe “exidyelweni.”
^ Ku nga ndhawu leyi ku peperhiwaka eka yona.
^ Ku nga muxaka wo karhi wa xinyenyana.
^ Hi Xiheveru, “xi endle leswaku yi rivala.”
