TSHAMANI MI RINDZILE!
Madzolonga Eka Swa Tipolitiki —Xana Bibele Yi Ri Yini Hi Mhaka Leyi?
Madzolonga eka swa tipolitiki ma ya ma nyanya naswona sweswo swi vilerisa vanhu emisaveni hinkwayo.
Madzolonga eka swa tipolitiki ma ye ma nyanya hi nkarhi wa nhlawulo hi lembe ra 2023 ku ya eka 2024 eMexico laha ku nga dlayiwa ni van’watipolitiki va 39.
Sweswinyana eYuropa ku ve ni madzolonga yo tala eka swa tipolitiki naswona va ringete ku dlaya ndhunankulu ya Slovakia hi May 15 2024.
Hi July 13 2024, vanhu va le United States va hlamarile hileswi ku ringetiweke ku dlaya khale ka presidente wa vona Donald Trump.
Hikwalahokayini ku ri ni madzolonga yo tala eka swa tipolitiki? Xana ma ta hela? Xana Bibele yi ri yini hi mhaka leyi?
Ku avana loku vangiweke hi swa tipolitiki i khale ku profetiwile
Bibele yi vule khale leswaku emikarhini ya hina ku nga ‘masiku yo hetelela’, vanhu va ta va ni madzolonga va tlhela va nga twanani.
“Emasikwini yo hetelela ku ta fika mikarhi yo nonon’hwa leyi swi tikaka ku hanya eka yona. Hikuva vanhu va ta va lava. . . nga khensiki, lava nga tshembekiki, . . . lava nga tiyimiselangiki ku pfumelelana ni van’wana, . . . lava nga ni tihanyi, . . . vaxengi, lava omeke tinhloko, lava tikukumuxaka.”—2 Timotiya 3:1-4.
Bibele yi tlhele yi profeta leswaku emikarhini ya hina ku ta va ni swikavanyeto leswi vangaka hasahasa eka swa tipolitiki. (Luka 21:9) Hambiswiritano, madzolonga eka swa tipolitiki ni ku avana swi nge tshami hilaha ku nga heriki.
Ku herisiwa ka madzolonga eka swa tipolitiki
Bibele yi hlamusela leswaku Xikwembu xi ta siva mifumo hinkwayo ya vanhu hi mfumo wa xona wa le tilweni.
“Xikwembu xa le tilweni xi ta simeka mfumo lowu nga . . . ta pfotlosa wu herisa mifumo leyi hinkwayo, kambe wona wu ta fuma hilaha ku nga heriki.”—Daniyele 2:44.
Hakunene, Mfumo wa Xikwembu wu ta endla leswaku vanhu va va ni vun’we ni ku tlhela wu tisa ku rhula emisaveni hinkwayo.
Hosi ya wona ku nga Yesu Kreste u vitaniwa “Hosana Ya Ku Rhula” naswona u ta tiyisekisa leswaku ku va ni “ku rhula hilaha ku nga heriki.”—Esaya 9:6, 7.
Hambi ku ri sweswi, vanhu lava fumiwaka hi mfumo lowu va dyondza ku hanyisana hi ku rhula. Hikwalaho ka sweswo, Bibele yi ri: “Va ta hundzula mabanga ya vona ma va swikomu Ni matlhari ya vona ma va swikhutulo. Tiko a ri nge he tlakusi banga ku lwa ni tiko rin’wana, Naswona a va nge he dyondzi nyimpi.”—Esaya 2:3, 4.
Leswaku u dyondza leswi engetelekeke, hlaya nhlokomhaka leyi nge “I Yini Leswi Mfumo Wa Xikwembu Wu Nga Ta Swi Endla?” u tlhela u hlalela vhidiyo leyi nge Mfumo Wa Xikwembu I Yini?
U Nga Ha Tsakela
XIHONDZO XO RINDZA
I Yini Leswi Mfumo Wa Xikwembu Wu Nga Ta Swi Endla?
Yesu a a swi tiva leswaku Mfumo wa Xikwembu hi wona ntsena lowu nga herisaka swiphiqo swa vanhu laha misaveni. I yini leswi Mfumo wolowo se wu swi endleke leswaku wu tiyisa ntshembo wa hina?
TSHAMANI MI RINDZILE!
Vanhu A Va Ha Va Tshembi Van’watipolitiki—Xana Bibele Yi Ri Yini Hi Mhaka Leyi?
Bibele yi hi lerisa leswaku hi nga tshembi mani na mani naswona yi hi komba murhangeri un’we ntsena wo tshembeka loyi a nga tisaka vumundzuku byo antswa.
TSHAMANI MI RINDZILE!
Hikwalahokayini Tipolitiki Ti Endla Vanhu Va Avana?—Xana Bibele Yi Ri Yini Hi Mhaka Leyi?
Ku avana eka swa tipolitiki ka andza emisaveni hinkwayo. Bibele yi vulavula hi xitshunxo, ku nga murhangeri loyi a nga ta endla vanhu hinkwavo va va ni vun’we.
XIHONDZO XO RINDZA
Xikwembu Xi Hlawule Mani Ku Va Hosi?
SPECIAL CAMPAIGN
Ringeta Dyondzo Ya Hina Ya Bibele
Kuma dyondzo ya Bibele ya mahala leyi katsaka wena ni mudyondzisi wa wena.
