Hi May 23, 2023, murhangeri la tlakukeke eka timhaka ta swa rihanyo eUnited States, u lemukise vanhu leswaku social media yi le ku tiseni ka vuyelo byo biha eka vantshwa vo tala.

•   “Hambileswi social media yi nga pfunaka vana ni vantshwa van’wana, kambe ku ni vumbhoni byo tala lebyi kombisaka leswaku yi nga vavisa miehleketo ni rihanyo ra vana ni vantshwa.”—Social Media and Youth Mental Health: The U.S. Surgeon General’s Advisory, 2023.

 Ndzavisiso lowu hlamuselaka swivangelo leswi hi endlaka hi vilela.

•   Vantshwa va malembe ya 12 ku ya eka 15 “lava hetaka tiawara to tlula tinharhu hi siku va ri eka social media, va le khombyeni ro va ni swiphiqo swa mianakanyo leswi katsaka swikombiso swa ntshikilelo ni ku vilela.”

•   Loko vantshwa lava nga ni malembe ya 14 “va tirhisa social media ku tlula mpimo, va tala ku nga etleli kahle, va xanisiwa eka Inthanete, a va yi rhandzi ndlela leyi va langutekaka hayona, va titwa va nga pfuni nchumu naswona va titwa va tshikileleke ngopfu, leswi swi tala ngopfu ku endleka eka vanhwanyana ku tlula eka vafana.”

 Xana vatswari va nga va sirhelela njhani vana va vona eka makhombo lawa? Bibele yi nyikela xitsundzuxo lexi pfunaka.

 Tikatse. Tanihi mutswari, xiya makhombo kutani u endla xiboho loko n’wana wa wena a fanele a tirhisa social media kumbe a nga yi tirhisi.

•   Nsinya wa nawu wa Bibele: “Letela mufana endleleni leyi a faneleke a famba ha yona.”—Swivuriso 22:6, nhlamuselo ya le hansi.

•   Leswaku u dyondza swo tala, hlaya nhlokomhaka leyi nge, “Should My Child Use Social Media?”

 Loko u pfumelela n’wana wa wena leswaku a tirhisa social media, xalamukela makhombo lama nga vaka kona naswona tiva leswi n’wana wa wena a swi endlaka eka Inthanete. Njhani?

 Sirhelela n’wana wa wena eka swilo leswi nga ni khombo. Letela n’wana wa wena ku tiva ni ku papalata swilo leswi nga ni khombo.

•   Nsinya wa nawu wa Bibele: “Ku tikhoma ko biha hi swa masangu ni thyaka ra muxaka wun’wana ni wun’wana kumbe makwanga swi nga vuriwi hambi ku ri ku vuriwa exikarhi ka n’wina, . . . hambi ku ri ku tikhoma loku nyumisaka kumbe mavulavulelo ya vuphukuphuku kumbe mafenya lama thyakeke.”—Vaefesa 5:3, 4.

•   Leswaku u kuma switsundzuxo leswi pfunaka, hlaya nhlokomhaka leyi nge, “Teaching Your Teenager Social Media Safety.”

 Veka swipimelo. Hi xikombiso, veka milawu ya leswaku hi rini naswona i nkarhi wo tanihi kwihi lowu n’wana wa wena a faneleke a wu heta eka social media.

•   Nsinya wa nawu wa Bibele: “Tshamani mi ri karhi mi languta leswaku ndlela leyi mi fambaka ha yona . . . yi fana ni ya vanhu vo tlhariha, mi wu tirhisa kahle nkarhi wa n’wina hikuva masiku ma hombolokile.”—Vaefesa 5:15, 16.

•   Tirhisa vhidiyo ya tipopayi leyi nge, Ti tirhise Hi Vutlhari Tiwebsite To Endla Vanghana Eka Tona ku pfuna n’wana wa wena a twisisa leswaku hikwalahokayini u fanele u n’wi vekela swipimelo.