Xifunengeto Xa Le Ndzhaku

MISAVA YA MANGUVA LAWA yi ni swiphiqo swo tala. Vukati bya hahluka. Emindyangwini ku tele madzolonga. Madzana ya timiliyoni ma etlela ni ndlala. Vugevenga a byi lawuleki. Ku rhula ni nsirhelelo swa kala. Ha yini misava leyi yi ri hi ndlela leyi? Xana ntlhantlho wu kona? Bibele a yi nyikeli tinhlamulo ta swivutiso leswi ntsena kambe yi tlhela yi nyikela nkongomiso evuton’wini bya siku na siku. Kutani, xana a hi fanelanga hi tsakisiwa hi leswi Bibele yi swi vulaka?

Vanhu van’wana va ehleketa leswaku Bibele i buku ya mintsheketo, switori ni vutlhari bya vanhu ntsena. Kambe, van’wana va languta Bibele yi ri Rito ra Xikwembu leri huhuteriweke. I langutelo rihi leri nga rona? Buku leyi nge Bibele—I Rito Ra Xikwembu Kumbe I Ra Munhu?, yi ta ku pfuna leswaku u hlamula xivutiso xexo. Hi ku rhamba leswaku u tivonela tinhla leti hi wexe. Ku endla tano ku nga ha cinca vutomi bya wena hilaha ku nga heriki.