Xiphemu 3

Ku Kutsuriwa aEgipta Ku Ya Fika Eka Hosi Yo Sungula Ya Israyele

Muxe u rhangele Vaisrayele ku suka evukhumbini aEgipta ku ya eNtshaveni ya Sinayi, laha Xikwembu xi n’wi nyikeke milawu ya xona. Endzhakunyana, Muxe u rhumele vavanuna va 12 ku ya kamba tiko ra Kanana. Kambe lava khume va vuye ni xiviko xo biha. Va endle leswaku vanhu va lava ku tlhelela aEgipta. Xikwembu xi xupule Vaisrayele hikwalaho ko pfumala ka vona ripfumelo, xi va tshike va kayakaya emananga ku ringana malembe ya 40.

Eku heteleleni, Yoxuwa u hlawuriwile leswaku a rhangela Vaisrayele loko va nghena etikweni ra Kanana. Yehovha u endle masingita ku va pfuna leswaku va teka tiko. U endle leswaku Nambu wa Yordani wu nga khuluki, a endla leswaku makhumbi ya muti wa Yeriko ma wa ni ku yimisa dyambu siku hinkwaro. Endzhaku ka malembe ya tsevu, Vakanana va tekeriwe tiko ra vona.

Ku sukela eka Yoxuwa, Israyele ri fumiwe hi vaavanyisi malembe ya 356. Hi ta dyondza hi ta vona, ku katsa na Baraka, Gidiyoni, Yefta, Samsoni na Samuwele. Nakambe hi ta dyondza hi ta vavasati vo fana na Rahava, Debora, Yayele, Rhuti, Nawomi na Delila. Xiphemu xa VUNHARHU xi hlanganisa matimu ya malembe ya 396.