Xiphemu 2

Ku Suka Eka Ndhambi Ku Ya Eka Ku Kutsuriwa Le Egipta

I vanhu va nhungu ntsena lava poneke Ndhambi, kambe hi ku famba ka nkarhi va andzile va va magidi-gidi. Kutani, loko ku hundze malembe ya 352 endzhaku ka Ndhambi, ku velekiwe Abrahama. Hi ta dyondza hilaha Xikwembu xi hlayiseke xitshembiso xa xona hi ku nyika Abrahama n’wana wa jaha la vuriwaka Isaka. Kutani Isaka u ve ni vana vambirhi va majaha, eka wona Xikwembu xi hlawule Yakobe.

Yakobe a a ri ni ndyangu lowukulu wa vana va 12 va majaha ni van’wana va vanhwanyana. Vana va Yakobe va majaha va khume va venge ndzisana ya vona Yosefa kutani va yi xavisela evuhlongeni le Egipta. Hi ku famba ka nkarhi, Yosefa u ve mufumi wa nkoka aEgipta. Loko ndlala leyikulu yi hlasela, Yosefa u ringe vamakwavo ku vona loko va hundzukile. Eku heteleleni, ndyangu wa Yakobe hinkwawo, ku nga Vaisrayele, wu rhurhele aEgipta. Sweswo swi humelele emalembeni ya 290 endzhaku ka loko Abrahama a velekiwile.

Vaisrayele va tshame aEgipta emalembeni ya 215 lama landzeleke. Endzhaku ka ku fa ka Yosefa, va sungule ku va mahlonga kwalaho. Hi ku famba ka nkarhi, ku velekiwe Muxe naswona Xikwembu xi tirhise yena ku kutsula Vaisrayele aEgipta. Hi ku angarhela, Xiphemu xa VUMBIRHI, xi hlanganisa leswi endlekeke emalembeni ya 857.