Xiphemu 8

Leswi Bibele Yi Swi Profeteke Swa Humelela

Bibele a yi hi byeli ntsena leswi humeleleke enkarhini lowu hundzeke kambe yi tlhela yi hi byela ni leswi nga ta humelela enkarhini lowu taka. Vanhu a va nge hi byeli leswi nga ta humelela enkarhini lowu taka. Hikwalaho ha swi tiva leswaku Bibele yi huma eka Xikwembu. Xana Bibele yi ri yini hi vumundzuku?

Yi hi byela hi nyimpi leyikulu ya Xikwembu. Enyimpini yoleyo Xikwembu xi ta susa vubihi hinkwabyo emisaveni swin’we ni vanhu lavo homboloka, kambe xi ta sirhelela lava xi tirhelaka. Yesu Kreste, hosi leyi vekiweke hi Xikwembu, u ta endla leswaku malandza ya Xikwembu ma va ni ku rhula ni ntsako, naswona a ma nge he tlheli ma vabya kumbe ku fa.

Ha tsaka leswi Xikwembu xi nga ta endla paradeyisi leyintshwa emisaveni, a swi tano ke? Kambe hi fanele hi endla swin’wana loko hi lava ku hanya eparadeyisini leyi. Eka xitori xo hetelela xa buku leyi, hi ta dyondza hi leswi hi faneleke hi swi endla leswaku hi tsakela swilo swo hlamarisa leswi Xikwembu xi swi hlayiseleke lava xi tirhelaka. Kutani, hlaya XIPHEMU 8 u kuma leswi Bibele yi swi vulaka malunghana ni nkarhi lowu taka.