Yehovha u ta herisa vubihi hinkwabyo lebyi Sathana a byi endleke. Yehovha u veke Yesu ku va Hosi emisaveni hinkwayo. Ehansi ka vuhosi byakwe, misava yi ta endliwa paradeyisi.​—⁠Daniyele 7:​13, 14; Luka 23:⁠43, NW.

Yehovha u tshembisa ku endla swilo leswi:

• NDZALO YA SWAKUDYA: ‘Misava hi yoxe yi ta humesa mihandzu ya yona hakunene; Xikwembu, Xikwembu xa hina xi ta hi katekisa.’ “Ku ta va ni ndzalo ya koroni la misaveni ni le tinhlohlorhini ta tintshava.”​—⁠Pisalema 67:⁠6; 72:⁠16.

• A KU NGE HE VI NA NYIMPI: “Tanani, mi hlalela mintirho ya Yehovha, leswi a swi heriseke misaveni. U herise tinyimpi ku yisa emakun’wini ya misava.”​—⁠Pisalema 46:​8, 9.

• A KU NGE HE VI NA VANHU VO BIHA: “Hikuva lavo biha va ta susiwa . . . Ku sele nkarhinyana, kutani lowo biha a nga ka a nga ha vi kona; u ta lavisisa xivandla xa yena, kutani [u] ta va a nga ha ri kona.”​—⁠Pisalema 37:​9, 10.

•  A KU NGE HE VI NA VUVABYI, GOME, KUMBE RIFU: “Hi laha mahlo ya vo-fe-mahlo ma nga ta hanyanya, ni tindleve leti sivekeke ti nga ta pfuleka; swilema swi ta tlula kukota tinhlangu, kutani ririmi ra mbheveve ri ta yimbelela hi ku tsaka.”​—⁠Esaya 35:​5, 6.

  “Xikwembu hi xoxe xi ta va na . . . vona. Xi ta sula mihloti hinkwayo emahlweni ya vona, ni rifu a ri nga ha vi kona; hambi ya ri mahlomulo kumbe ku rila kumbe ku vaviseka a swi nga ha vi kona, hikuva leswo sungula swi hundzile.”​—⁠Nhlavutelo 21:​3, 4.

Ku hambana na Sathana ni madimona, Yehovha a nga hembi. Xin’wana ni xin’wana lexi a xi tshembisaka xa humelela. (Luka 1:​36, 37) Yehovha wa ku rhandza naswona u lava leswaku u hanya eParadeyisini leyi a nga ta yi endla. Hikwalaho vonana ni Timbhoni ta Yehovha leswaku u dyondza leswi engetelekeke mayelana ni ntiyiso lowu nga eRitweni ra Xikwembu. Loko u tirhisa leswi u swi dyondzeke evuton’wini bya wena, u ta ntshunxeka eka ku tshemba mavun’wa ya Sathana ni ku pfumala vutivi. Hi ku famba ka nkarhi, u ta ntshunxiwa ni le ka xidyoho ni rifu. Hilaha Yesu a vuleke hakona: “Mi ta tiva ntiyiso, kutani ntiyiso wu ta mi ntshunxa.”​—⁠Yohane