Hi 1956, vamakwerhu va le Freetown va tlange filimi ya The New World Society in Action. Va vike va ku:

“Hi hirhe holo leyikulu ngopfu eFreetown hi tlhela hi fambisa swirhambo swa 1 000. A hi tivutisa leswaku ku ta ta vanhu vangani. Loko ku sale hafu ya awara leswaku filimi yi tlanga, a ku lo fika vanhu va 25 ntsena. Eka timinete ta 15 leti landzeleke, ku fike vanhu van’wana va 100. Hi ku hatlisa, vanhu se a va tate switulu swa 500. Vanhu va 100 lava engetelekeke a va nga ri na xiphiqo xa ku va va yima. Kutani vanhu va 500 a va yime ehandle va tsandzeka ku nghena. Xana vanhu volavo lava a va ri ehandle a va ta rindza lava a va ri endzeni ka holo va yi vona yi hela ku ri kona va nga ta nghena leswaku va ta yi vona? Va vule leswaku a va ta rindza. Va endle tano hambileswi mpfula a yi ri eku neni!”

Emalembeni lama hundzeke, vanhu vo tlula 80 000 etikweni hinkwaro ra Sierra Leone va tile va ta hlalela filimi leyi, leyi tsakisaka swin’we ni tin’wana.