SIKU rin’wana loko Yesu a hanyisa wanuna loyi a lamaleke, “va tshuka hinkwavo, va sungula ku vangamisa Xikwembu, va chava ngopfu, va ku: ‘Hi vone swilo leswi nga tolovelekangiki namuntlha!’” (Luka 5:25, 26) Leswi Yehovha Xikwembu a swi endlaka hi ku tirhisa N’wana wakwe loyi a rhandzekaka, hlonga ro tshembeka ni ro tlhariha ni vagandzeri vakwe vo tshembeka emisaveni hinkwayo swi hi nyika xivangelo lexinene ngopfu xo vula marito lawa hi ku phindha-phindha hi ku: “Hi vone swilo leswi nga tolovelekangiki.”