DYONDZO 4
Nghenisa Matsalwa Hi Ndlela Leyi Faneleke
Matewu 22:41-45
HI KU KOMISA: Endla leswaku mianakanyo ya vayingiseri va wena yi lungheka u nga si hlaya tsalwa.
NDLELA LEYI U NGA SWI ENDLAKA HA YONA:
-
Boxa xivangelo lexi endlaka u hlaya tsalwa. Endla vayingiseri va wena va lava ku twa tinhla ta nkoka eka tsalwa leri u lavaka ku ri hlaya.
-
Tirhisa Bibele leswaku u seketela leswi u swi vulaka. Loko u vulavula ni vanhu lava pfumelaka eka Xikwembu, va tiyisekise leswaku Bibele i “Rito ra Xikwembu.” Loko u endla tano, va ta swi xiya leswaku Bibele hi yona ntsena leyi nga ni vutlhari lebyi pfunaka swinene.
-
Va endle va lunghekela ku twa leswi matsalwa ma swi vulaka. Vutisa swivutiso leswi u nga ta swi hlamula hi ku tirhisa tsalwa, vula xiphiqo lexi tsalwa rero ri nga pfunaka eka xona kumbe u vula nsinya wa nawu lowu Tsalwa rero ri tirhaka eka wona.