Leswaku u tiyisa vunghana, u fanele u tshamela ku vulavula na munghana wa wena. Wa n’wi yingisela na yena wa ku yingisela. U vulavula kahle hi munghana wa wena eka vanhu van’wana. Swi tano ni hi ku va munghana wa Xikwembu. Xiya leswi Bibele yi swi vulaka malunghana na leswi:

Vulavula na Yehovha nkarhi na nkarhi hi xikhongelo. “Mi phikelela exikhongelweni.”​—⁠Varhoma 12:⁠12.

Hlaya Rito ra Xikwembu, ku nga Bibele. “Matsalwa hinkwawo ma huhuteriwe hi Xikwembu naswona ma pfuna ku dyondzisa, ku tshinya, ku lulamisa swilo.”​—⁠2 Timotiya 3:⁠16.

Dyondzisa van’wana hi Xikwembu. “Hikokwalaho fambani mi ya endla vanhu va matiko hinkwawo va va vadyondzisiwa, . . . mi va dyondzisa ku hlayisa swilo hinkwaswo leswi ndzi mi leriseke swona.”​—⁠Matewu 28:​19, 20.

 Titshinete ekusuhi ni vanghana va Xikwembu. “Loyi a fambaka ni vanhu vo tlhariha u ta tlhariha.”​—⁠Swivuriso 13:⁠20.

Vana kona eminhlanganweni eHolweni ya Mfumo. “A hi khathalelaneni leswaku hi khutazana erirhandzwini ni le mintirhweni leyinene.”​—⁠Vaheveru 10:​24, 25.

Pfuneta eku seketeleni ka ntirho wa Mfumo. “Un’wana ni un’wana a a [nyike] hilaha a boheke hakona embilwini yakwe, ku nga ri hi ku vilela kumbe hi ku sindzisiwa, hikuva Xikwembu xi rhandza munyiki la tsakeke.”​—⁠2 Vakorinto 9:⁠7.