Eka xiyenge lexi hi ta dyondza hi ta Pawulo loko a langutana ni mintshungu leyi hlundzukeke, a khotsiwa ni loko a yisiwa eka tihuvo ta hambana-hambana ta vafumi va le Rhoma. Eka swiyimo sweswo hinkwaswo, muapostola loyi u hambete a chumayela Mfumo wa Xikwembu hi rixaladza. Loko u ri karhi u hlaya xiyenge xo gimeta xa buku ya Mintirho lexi tsakisaka, tivutise, ‘Xana ndzi nga n’wi tekelela njhani muvuri loyi wa evhangeli loyi a a ri ni xivindzi a tlhela a hiseka?’