Vukati
Vukati byi sungule kwihi?
I mani loyi Mukreste a nga hlawulaka ku tekana na yena?
Hikwalahokayini Mukreste wa ntiyiso a nga ta ka a nga pfumeleli leswaku n’wana wakwe wa jaha kumbe wa nhwanyana la khuvuriweke a tekana ni munhu loyi a nga tinyiketelangiki, a tlhela a khuvuriwa a va nandza wa Yehovha?
-
Swikombiso swa le Bibeleni leswi nga hi pfunaka:
-
Gn 24:1-4, 7—Abrahama loyi a dyuharile a a lava leswaku n’wana wakwe Isaka a teka nsati exikarhi ka vanhu lava a va gandzela Yehovha, ku nga ri eka Vakanana lava a va gandzela swikwembu swin’wana
-
Gn 28:1-4—Isaka u byele n’wana wakwe Yakobo leswaku a teka nsati eka vanhu lava tirhelaka Yehovha, ku nga ri eka Vakanana
-
Yehovha u titwa njhani hi vanhu lava tekanaka ni vanhu lava nga n’wi gandzeriki?
-
Swikombiso swa le Bibeleni leswi nga hi pfunaka:
-
1Th 11:1-6, 9-11—Yehovha u hlundzukele Hosi Solomoni hileswi a nga swi yingisangiki swilemukiso swakwe, hi ku teka vavasati va le matikweni mambe, ni ku va pfumelela va n’wi kucetela leswaku a gandzela swikwembu swa mavunwa
-
Neh 13:23-27—Ku fana na Yehovha Nehemiya a a hlundzukile swinene loko vavanuna va Vaisrayele va teka vavasati vamatiko mambe lava a va nga n’wi tirheli Yehovha, kutani u va tshinyile a tlhela a va lulamisa
-
Hikwalahokayini ku ri vutlhari ku hlawula munghana wa vukati loyi a gandzelaka Yehovha hi ku tshembeka a tlhela a va ni ndhuma leyinene?
Nakambe vona Ef 5:28-31, 33
-
Swikombiso swa le Bibeleni leswi nga hi pfunaka:
-
1Sa 25:2, 3, 14-17—Nabali a a ri wanuna la fuweke, kambe a a ri na tihanyi a tlhela a karhata, sweswo swi endle leswaku a nga vi nuna lonene eka Abigayele
-
Swiv 21:9—Loko hi nga n’wi hlawuli kahle munghana wa vukati swi ta endla leswaku hi nga tsaki, hi tlhela hi nga vi na ku rhula
-
Rhm 7:2—Muapostola Pawulo u vule leswaku loko wansati a tekiwa, u va ehansi ka vuhloko bya wanuna la a nga ni xidyoho, xisweswo wansati la tlhariheke u n’wi hlawula hi vutlhari munghana wa vukati
-
Ku lunghekela vukati
Hikwalahokayini wanuna a fanele a tiyiseka leswaku u ta n’wi khathalela nsati ni vana a nga si sungula ku ehleketa ku nghenela vukati?
-
Swikombiso swa le Bibeleni leswi nga hi pfunaka:
-
Swiv 24:27—Loko wanuna a nga si teka ni ku tlhela a va ni vana, u fanele a tirha hi matimba ku kombisa leswaku u swi lunghekerile ku khathalela ndyangu
-
Hikwalahokayini vanhu vambirhi lava rhandzanaka va fanele va lava ndzayo ya vutlhari, ni ku tlhela va tivana kahle ku ri ni ku languta ndlela leyi va langutekaka ha yona?
-
Swikombiso swa le Bibeleni leswi nga hi pfunaka:
-
Rt 2:4-7, 10-12—Bowazi u dyondze leswaku Rhuti i wansati wa njhani hi ku languta ndlela leyi a a tirha ni leyi a khomeke Nawomi ha yona, ni ku yingisa swiviko swakwe leswi a swi huma eka vanhu vo tshembeka, ni ku tlhela a vona ndlela leyi a a rhandza Yehovha ha yona
-
Rt 2:8, 9, 20—Rhuti u vone leswaku Bowazi a a ri ni musa, a a hanana a tlhela a rhandza Yehovha
-
Hikwalahokayini Yehovha a a langutele leswaku vanhu lava tshembisaneke ku tekana va tshama va tengile loko va ha yimele ku tekana?
-
Swikombiso swa le Bibeleni leswi nga hi pfunaka:
-
Swiv 5:18, 19—Tindlela tin’wana to kombisana rirhandzu i ta vanhu lava tekaneke ntsena
-
Ris 1:2; 2:6—Jaha ra murisi ni nhwanyana wa Muxulami a va kombisana rirhandzu hi ndlela leyi tengeke
-
Ris 4:12; 8:8-10—Nhwanyana wa Muxulami u tshame a tengile ni ku tikhoma; a a fana ni ntanga lowu biyeriweke
-
Hikwalahokayini vatekani va fanele va tekana hi nawu?
Vutihlamuleri bya wanuna
Hi byihi vutihlamuleri lebyikulu lebyi wanuna a nyikiweke byona?
I xikombiso xihi lexi wanuna loyi a tekeke a faneleke a xi landzelela?
Hikwalahokayini wanuna a fanele a kombisa leswaku u rhandza nsati wakwe ni ku twisisa swilaveko ni mintlhaveko yakwe?
-
Swikombiso swa le Bibeleni leswi nga hi pfunaka:
-
Gn 21:8-12—Yehovha u byele Abrahama leswaku a yingisa nsati wakwe Sara, hambileswi xiringanyeto xakwe a a nga yimi na xona
-
Swiv 31:10, 11, 16, 28—Wanuna la tlhariheke la tekeke nsati lonene a nga n’wi lawuli kumbe a languta swihoxo eka yena, ku ri na sweswo u tshemba nsati wakwe a tlhela a n’wi bumabumela
-
Ef 5:33—Marito ya muapostola Pawulo lama huhuteriweke ma kombisa leswaku wansati u fanele a swi vona leswaku nuna wakwe wa n’wi rhandza
-
Vutihlamuleri bya wansati
I vutihlamuleri byihi bya nkoka lebyi Yehovha a byi nyikeke vavasati?
Xana vutihlamuleri lebyi wansati a nyikiweke byona byi n’wi chicha xiyimo hi ndlela yo karhi?
-
Swikombiso swa le Bibeleni leswi nga hi pfunaka:
-
Swiv 1:8; 1Ko 7:4—Xikwembu xi nyike vavasati ni vamanana vutihlamuleri byin’wana endyangwini
-
1Ko 11:3—Muapostola Pawulo u vule leswaku hinkwerhu hi le hansi ka vuhloko byo karhi, handle ka Xikwembu xa Matimba hinkwawo ntsena
-
Hv 13:7, 17—Evandlheni vavanuna ni vavasati, va fanele va tirhisana ni ku tlhela va yingisa lava rhangelaka
-
Xana wansati wa Mukreste la tekiweke hi wanuna la nga riki mbhoni a nga n’wi tsakisa njhani Yehovha?
Hikwalahokayini wansati wa Mukreste a fanele a xixima nuna wakwe?
-
Swikombiso swa le Bibeleni leswi nga hi pfunaka:
-
Gn 18:12; 1Pe 3:5, 6—Sara a a n’wi xixima swinene Abrahama, naswona u kale a n’wi vitana “hosi” ya yena
-
I wansati wa njhani loyi a bumabumeriwaka eBibeleni?
-
Swikombiso swa le Bibeleni leswi nga hi pfunaka:
-
Gn 24:62-67—Raveka u pfune nuna wakwe Isaka leswaku a chaveleleka endzhaku ko loveriwa hi mana wakwe
-
1Sa 25:14-24, 32-38—Abigayele u sirhelele nuna wakwe wa xiphukuphuku naswona u ponise vandyangu wakwe
-
Est 4:6-17; 5:1-8; 7:1-6; 8:3-6—Nkosikazi Estere u veke vutomi byakwe ekhombyeni kambirhi hi ku ya eka nuna wakwe loyi a a ri hosi a nga vitaniwanga, ku ya kombela leswaku vanhu va Xikwembu va sirheleriwa
-
Ku lulamisa swiphiqo
Hi yihi misinya ya milawu leyi nga pfunaka vatekani leswaku va lulamisa swiphiqo evukatini bya vona?
Hi yihi misinya ya milawu leyi nga pfunaka vatekani leswaku va endla swiboho leswinene mayelana ni mali?
Lk 12:15; Flp 4:5; 1Tm 6:9, 10; Hv 13:5
Vona nhlokomhaka leyi nge, “Mali”
Hi yihi misinya ya milawu leyi nga pfunaka vatekani leswaku va lulamisa timhaka mayelana ni maxaka ku katsa ni vatswari va vona?
Hi yihi misinya ya milawu leyi nga pfunaka vatekani loko swi ta eka timhaka ta masangu?
Hikwalahokayini swi ri swa nkoka ku languta vumunhu lebyinene bya nkataku ku ri ni ku languta swihoxo swakwe?
Hikwalahokayini swi ri swinene ku lulamisa swiphiqo hi ku hatlisa hi ndlela ya rirhandzu ku ri ni ku va ni xikhomela kumbe ku tshama u hlundzukile?
Hikwalahokayini swifafa, huwa, nhlambha ni ku ba ka muxaka wun’wana ni wun’wana swi nga amukeleki eka Vakreste?
I yini leswi vatekani va faneleke va swi endla loko va nga voni swilo hi tihlo rin’we?
I mikateko yihi leyi nga eka vukati lebyi eka byona ku katsiwaka Yehovha?
Milawu ya vukati
Bibele yi ri yini hi timhaka ta masangu ni vukati?
Vakreste va fanele va ri languta njhani tshengwe?
Hi swi tiva njhani leswaku vukati byi katsa wanuna ni wansati?
Hikwalahokayini vatekani va fanele va tshama swin’we?
Hi xihi xivangelo xin’we xa le Bibeleni laha Vakreste va nga dlayaka vukati?
Yehovha u titwa njhani loko vanhu va dlaya vukati ku nga ri na xivangelo lexi twalaka?
Loko munghana wa vukati a fa, xana loyi a ha hanyaka u ntshunxekile ku tlhela a nghenela vukati?
U Nga Ha Tsakela
XALAMUKA!
Mindyangu Leyi Tsakeke—Ntirhisano
Xana wena ni nkataku mi tshama swin’we ntsena kambe mi nga ha rhandzani?
VUKATI NI NDYANGU
Ndlela Yo Kombisa Rirhandzu
Xana lava tekaneke va nga swi kombisa njhani leswaku va rhandzana? Kambisisa swiringanyeto swa mune leswi humaka eBibeleni.
XIHONDZO XO RINDZA
Vavanuna—Endlani Makaya Ya N’wina Ma Va Ndhawu Leyi Phyuphyisaka
Ndyangu wu nga ha va wu yime kahle hi tlhelo ra timali kambe wu nga ri na ntsako.
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.
