Xana U Yi Teka Njhani Bibele?
Xana u nga vula leswaku i . . .
-
buku leyi tsariweke hi vanhu?
-
buku ya mintsheketo?
-
Rito ra Xikwembu?
LESWI BIBELE YI SWI VULAKA
“Matsalwa hinkwawo ma huhuteriwe hi Xikwembu.”—2 Timotiya 3:16, Vuhundzuluxeri Bya Misava Leyintshwa.
NDLELA LEYI SWESWO SWI NGA KU VUYERISAKA HA YONA
SU ta kuma tinhlamulo leti enerisaka ta swivutiso swa nkoka evuton’wini.—Swivuriso 2:1-5.
U ta kuma nkongomiso lowu tshembekaka wa vutomi bya siku ni siku.—Pisalema 119:105.
U ta va na ntshembo wa xiviri hi vumundzuku.—Varhoma 15:4.
XANA HI NGA SWI TSHEMBA HAKUNENE LESWI BIBELE YI SWI VULAKA?
Ina, hikwalaho ka swivangelo swinharhu:
-
Ku pfumelelana ka yona loku hlamarisaka. Bibele yi tsariwe hi vanhu va kwalomu ka 40 hi malembe lama tlulaka 1 600. Vo tala va vona a va kalanga va tivana. Kambe, ya pfumelelana naswona yi ni nhloko-mhaka-nkulu yin’we.
-
Matimu lama tshembekaka. Van’wamatimu lava dumeke, hi xitalo a va boxi ku hluriwa ka vanhu va rikwavo. Ku hambana na vona, vatsari va Bibele hi ku tshembeka va tsale swihoxo swa vona vini ni swa matiko ya vona.—2 Tikronika 36:15, 16; Pisalema 51:1-4.
-
Vuprofeta lebyi tshembekaka. Bibele yi profete hi ku lovisiwa ka muti wa khale wa Babilona ka ha sele 200 wa malembe. (Esaya 13:17-22) A yi hlamuselanga ntsena ndlela leyi Babilona a wu ta lovisiwa ha yona, kambe yi boxe na vito ra loyi a a ta wu hlula.—Esaya 45:1-3.
Vuprofeta byin’wana byo tala bya le Bibeleni na byona byi hetiseke hi ku helela. Sweswo hi leswi a hi ta swi langutela eka Rito ra Xikwembu.—2 Petro 1:21.
XIVUTISO XO ANAKANYISISA HA XONA
Xana Rito ra Xikwembu ri nga byi antswisa njhani vutomi bya wena?
Bibele yi hlamula xivutiso xexo eka ESAYA 48:17, 18 na 2 TIMOTIYA 3:16, 17.
U Nga Ha Tsakela
SWIVUTISO LESWI HLAMURIWAKA HI BIBELE
I Yini Leswi Nga Ku Pfunaka Ku Twisisa Bibele?
U nga swi kota ku twisisa rhungula ra nkoka leri nga le Bibeleni.
ESSENTIAL BIBLE TEACHINGS
Hi Nga Tiyiseka Njhani Leswaku Leswi Nga eBibeleni I Ntiyiso?
Loko Bibele yi tsariwe hi Xikwembu, yi fanele yi hambana ni tibuku hinkwato leti tshameke ti tsariwa.
MALUNGHANA NA HINA
Ha Yini U Fanele U Dyondza Bibele?
Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.
