DYONDZO 25
Kahlekahle Xikwembu Xi Hi Vumbele Yini?
Bibele yi vula leswaku vanhu va ‘hanya nkarhi wo koma naswona va taleriwe hi maxangu.’ (Yobo 14:1) Xana Xikwembu a xi lava leswaku vutomi byi va hi ndlela leyi? Loko swi nga ri tano, xana xi hi vumbele yini? Xana leswi a xi swi lava swi ta pfuka swi endlekile? Xiya tinhlamulo ta le Bibeleni leti chavelelaka.
1. Yehovha u lava leswaku vutomi bya hina byi va njhani?
Yehovha u lava hi tiphina hi vutomi. Loko a vumba vanhu vo sungula ku nga Adamu na Evha, u va veke eparadeyisini yo saseka ku nga ntanga wa Edeni. Kutani “Xikwembu xi va katekisa xi ku: ‘Tswalanani mi andza mi tata misava, mi yi fuma.’” (Genesa 1:28) Yehovha a a lava leswaku va va ni vana, va endla misava hinkwayo yi va paradeyisi ni ku tlhela va khathalela swiharhi. A a lava leswaku vanhu hinkwavo va va ni rihanyo lerinene va hanya hilaha ku nga heriki.
Hambileswi swilo swi nga vangiki hi ndlela leyi Xikwembu a xi lava ha yona, a xikongomelo xa xona a xi cincanga. (Esaya 46:10, 11) Xikwembu xa ha lava leswaku vanhu lava yingisaka va hanya hilaha ku nga heriki, ku nga ri na lexi va karhataka.—Hlaya Nhlavutelo 21:3, 4.
2. Hi nga tiphina njhani hi vutomi sweswi?
Yehovha u hi vumbe hi ri ni ku navela ko lava ku va ni “vuxaka” na yena, leswaku hi ta kota ku n’wi tiva ni ku n’wi tirhela. (Hlaya Matewu 5:3-6.) U lava hi va vanghana vakwe lavakulu, hi ‘famba etindleleni takwe hinkwato, hi n’wi rhandza’ ni ku n’wi gandzela ‘hi timbilu ta hina hinkwato.’ (Deteronoma 10:12; Pisalema 25:14) Loko hi endla tano, hi ta tsaka hambiloko hi ri ni swiphiqo. Loko hi gandzela Yehovha hi ta swi tiva leswaku hi hanyela yini.
ANAKANYISISA
Dyondza ndlela leyi Yehovha a swi kombiseke ha yona leswaku wa hi rhandza swinene loko a ri karhi a hi lunghiselela misava leyi ni leswi Rito rakwe ri swi dyondzisaka hi xikongomelo xa vutomi.
3. Yehovha u lava vanhu va tiphina hi vutomi
Tlanga VHIDIYO, ivi mi bula hi xivutiso lexi landzelaka.
-
Hikwalaho ka yini Xikwembu xi tumbuluxe misava ya hina yo saseka?
Hlaya Eklesiasta 3:11, ivi mi bula hi xivutiso lexi:
-
Tsalwa leri ri ku dyondzisa yini hi Yehovha?
4. Xikongomelo xa Yehovha a xi cincanga
Hlaya Pisalema 37:11, 29 na Esaya 55:11, ivi mi bula hi xivutiso lexi:
-
Hi swi tivisa ku yini leswaku xikongomelo xa Yehovha hi hina a xi cincanga?
Yindlu leyi onhakeke yi nga tlhela yi lunghisiwa. Swi tano ni hi misava leyi vanhu va yi onheke, Xikwembu xi ta yi lunghisa leswaku ku tshama lava xi rhandzaka
5. Ku gandzela Yehovha swi endla hi swi tiva leswaku hi hanyela yini
Ku tiva xikongomelo xa vutomi swi nga endla hi tsaka. Tlanga VHIDIYO, ivi mi bula hi xivutiso lexi landzelaka.
-
Swi n’wi pfune njhani Terumi ku dyondza leswaku vutomi byi ni xikongomelo?
Hlaya Eklesiasta 12:13, ivi mi bula hi xivutiso lexi:
-
Leswi Yehovha a nga hi endlela swo tala ngopfu, hi nga endla yini ku kombisa leswaku ha n’wi khensa?
UN’WANA A NGA HA KU VUTISA A KU: “Hi hanyela yini?”
-
A wu ta n’wi hlamula njhani?
NKATSAKANYO
Yehovha u lava hi tiphina hi vutomi hilaha ku nga heriki kona kwala misaveni hi nga karhatiwi hi nchumu. Loko hi n’wi gandzela hi timbilu ta hina hinkwato hi ta swi tiva leswaku hi hanyela yini hambi ku ri sweswi.
Mpfuxeto
-
Yehovha a a va vumbela yini Adamu na Evha?
-
Hi swi tivisa ku yini leswaku xikongomelo xa Xikwembu hi vanhu a xi cincanga?
-
I yini lexi nga ku pfunaka leswaku u swi tiva leswaku u hanyela yini?
KUMA LESWI ENGETELEKEKE
Kambisisa vumbhoni lebyi kombisaka leswaku ntanga wa Edeni wu tshame wu va kona.
“Xana Ntanga Wa Edeni A Wu Ri Kona Hakunene?” (Xihondzo xo Rindza, January 1, 2011)
Twana lexi endlaka hi tshemba leswaku misava yi ta va kona hilaha ku nga heriki.
“Xana Misava Leyi Yi Ta Herisiwa?” (Nhlokomhaka leyi kumekaka eka website)
Kambisisa leswi Bibele yi swi vulaka mayelana ni leswi hi nga swi endlaka leswaku hi tiva lexi hi xi hanyelaka.
“Hi Xihi Xikongomelo Xa Vutomi?” (Nhlokomhaka leyi kumekaka eka website)
Twana hi ta wanuna loyi a kumeke lexi a xi kayivela evuton’wini byakwe hambileswi a a ehleketa leswaku u ni swilo hinkwaswo.
a Eka dyondzo leyi landzelaka, u ta twa leswaku swilo swi onhake kwihi.
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
