DYONDZO 53
Hlawula Vuhungasi Lebyi Tsakisaka Yehovha
Yehovha i “Xikwembu lexi tsakeke.” (1 Timotiya 1:11) U lava leswaku hi tsaka hi tlhela hi tiphina hi vutomi. Wa tsaka loko hi tinyika nkarhi wa ku wisa. Eka dyondzo leyi, hi ta vona ndlela leyi hi nga wu tirhisaka ha yona nkarhi wa hina wa ku wisa hi tindlela leti tsakisaka ni leti enerisaka ti tlhela ti tsakisa Yehovha.
1. Hi fanele hi ehleketa hi yini loko hi hlawula vuhungasi?
I yini leswi u rhandzaka ku swi endla hi nkarhi wa wena wo wisa? Van’wana va tirhisa nkarhi wa vona wa ku wisa va ri ekaya, va tihlayela buku, va yingisela vuyimbeleri, va hlalela filimi kumbe va nghena eka Internet. Van’wana va tsakela ku va na vanghana, va khandziya tintshava, va hlambela kumbe va tlanga ntlangu wo karhi. Swi nga ri na mhaka leswaku hi endla yini hi nkarhi wa hina, hi fanele hi tiyiseka leswaku vuhungasi bya hina byi “[tsakisa] Hosi.” (Vaefesa 5:10) I swa nkoka leswaku hi swi twisisa leswi hikuva vuhungasi byo tala lebyi vanhu vo tala va byi rhandzaka byi ni swilo leswi Yehovha a swi vengaka, swo tanihi madzolonga, ku tikhoma ko biha hi swa masangu kumbe vungoma. (Hlaya Pisalema 11:5.) I yini leswi nga ta hi pfuna ku hlawula vuhungasi hi vutlhari?
Loko hi hlawula vanghana lava rhandzaka Yehovha, va nga hi pfuna leswaku hi hlawula vuhungasi lebyinene. Hilaha hi dyondzeke hakona eka dyondzo leyi hundzeke, “loyi a fambaka ni lavo tlhariha u ta tlhariha.” Hi hala tlhelo, loko hi tshamela ku heta nkarhi ni vanhu lava nga yi rhandziki milawu ya Xikwembu, “a swi nge [hi] fambeli kahle.”—Swivuriso 13:20.
2. Hikwalaho ka yini swi ri swa nkoka ku pima nkarhi lowu hi wu tirhiselaka vuhungasi?
Hambiloko vuhungasi lebyi hi byi hlawulaka byi ri byinene, hi fanele hi tivonela leswaku a hi heti nkarhi wo tala ngopfu eka byona. Loko hi nga tivoneli, hi nga tikuma hi nga ri na nkarhi lowu ringaneke wo endla swilo swa nkoka swinene. Bibele yi hi byela leswaku hi wu “tirhisa kahle nkarhi wa [hina].”—Hlaya Vaefesa 5:15, 16.
ANAKANYISISA
Dyondza leswaku u nga byi hlawula njhani vuhungasi lebyinene.
3. Papalata vuhungasi byo biha
Hikwalaho ka yini hi fanele hi hlawula vuhungasi hi vukheta? Tlanga VHIDIYO, ivi mi bula hi swivutiso leswi landzelaka.
-
Mintlangu ya vanhu va khale ya ku lwa yi yelana njhani ni vuhungasi byin’wana bya manguva lawa?
-
Eka vhidiyo leyi, Danny u dyondze yini hi vuhungasi?
Hlaya Varhoma 12:9, ivi mi bula hi xivutiso lexi:
-
Tsalwa leri ri nga ku pfuna njhani loko u hlawula vuhungasi?
Hi swihi swilo swin’wana leswi Yehovha a swi vengaka? Hlaya Swivuriso 6:16, 17 na Vagalatiya 5:19-21. Endzhaku ko hlaya tsalwa ha rin’we, bulani hi xivutiso lexi:
-
Hi swihi swilo leswi ku vulavuriwaka hi swona eka matsalwa lawa leswi vuhungasi bya namuntlha byi nga na swona?
Ndlela yo hlawula vuhungasi hi vutlhari
Tivutise:
-
Byi na yini? Xana byi ni swilo leswi Yehovha a swi vengaka?
-
Ndzi tihungasa rini? Xana byi endla ndzi nga koti ku endla swilo swa nkoka?
-
Ndzi tihungasa na vamani? Xana byi endla ndzi tshamela ku hlangana ni vanhu lava nga rhandziki Yehovha?
Swa pfuna ku fambela ekule swinene ni khombo. Hi yona mhaka swi nga swa nkoka swinene ku fambela ekule ni vuhungasi lebyi hi vonaka onge a hi byinene
4. Tirhisa nkarhi wa wena hi vutlhari
Tlanga VHIDIYO, ivi mi bula hi xivutiso lexi landzelaka.
-
Hambileswi makwerhu wa le ka vhidiyo leyi a a nga hlaleli swilo swo biha, i yini lexi veke xiphiqo eka yena?
Hlaya Vafilipiya 1:10, ivi mi bula hi xivutiso lexi:
-
Tsalwa leri ri nga hi pfuna njhani ku pima nkarhi lowu hi nga ta wu heta eka vuhungasi?
5. Hlawula vuhungasi lebyinene
Hambileswi vuhungasi byin’wana byi nga n’wi tsakisiki Yehovha, ku ni swilo swo tala swo tsakisa leswi hi nga swi endlaka leswi Yehovha a nga lwisaniki na swona. Hlaya Eklesiasta 8:15 na Vafilipiya 4:8, ivi mi bula hi xivutiso lexi:
-
Hi byihi vuhungasi lebyinene lebyi u byi rhandzaka?
U nga tiphina hi vuhungasi lebyinene
VAN’WANA VA RI: “A swi hoxanga ku hlalela vuhungasi lebyi kombisaka madzolonga, ku tikhoma ko biha hi swa masangu kumbe vungoma, ntsena loko mina ndzi nga swi endli swilo sweswo.”
-
A wu ta ku yini?
NKATSAKANYO
Yehovha u lava leswaku hi hlawula vuhungasi lebyinene hi tlhela hi tiphina hi byona.
Mpfuxeto
-
Hi byihi vuhungasi lebyi Vakreste va faneleke va byi papalata?
-
Hikwalaho ka yini hi fanele hi tivonela leswaku hi heta nkarhi wo tanihi kwihi eka vuhungasi?
-
Hikwalaho ka yini u lava ku hlawula vuhungasi lebyi tsakisaka Yehovha?
KUMA LESWI ENGETELEKEKE
Twana leswaku i mani loyi a faneleke a hi hlawulela vuhungasi.
“Xana Ma Ti Yirisa Tifilimi, Tibuku Kumbe Tinsimu To Karhi?” (Nhlokomhaka leyi kumekaka eka website)
Twana leswaku u nga byi hlawula njhani vuhungasi lebyinene.
“Xana Vuhungasi Bya Wena Bya Ku Vuyerisa?” (Xihondzo xo Rindza, October 15, 2011)
Eka mhaka ya vutomi leyi nge “Ndzi Hlule Moya Wa Xihlawuhlawu Lowu A Ndzi Ri Na Wona,” vona lexi endleke wanuna un’wana a cinca vuhungasi bya yena.
“Bibele Yi Hundzula Vutomi Bya Vanhu” (Xihondzo xo Rindza, February 1, 2010)
Vona ndlela leyi manana a endlaka xiboho xa vutlhari ha yona mayelana ni vuhungasi lebyi kombisaka switori leswi kombisaka vudimona.
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
