NTIRHO WA LE BETHELE Vahuweleri lava khuvuriweke lava nga si hundzaka malembe ya 35, lava tsakelaka ku ya tirha eBethele va fanele va tilulamisela ku va kona eka nhlangano wa lava lavaka ku ya eBethele, hi Ravuntlhanu nindzhenga. Ndhawu ni nkarhi wa nhlangano lowu swi ta tivisiwa.

XIKOLO XA VACHUMAYERI VA MFUMO Maphayona lama nga exikarhi ka malembe ya 23 na 65 lama tsakelaka ku ndlandlamuxa vutirheli bya wona ma komberiwa leswaku ma ya eka nhlangano wa lava lavaka ku ya exikolweni xa vachumayeri va mfumo hi sonto nindzhenga. ndhawu ni nkarhi lowu nhlangano lowu wu nga ta khomiwa ha wona swi ta tivisiwa.  u nga karhali! nhlengeletano ya timbhoni ta yehovha ya 2017 yi hleriwe hi huvo leyi fumaka ya timbhoni ta yehovha

VARINDZI Varindzi va vekiwe leswaku va ku pfuna. Hi kombela leswaku u tirhisana na vona swinene, u yingisa nkongomiso wa vona malunghana ni ku paka timovha, ku lawula ntshungu, ku vekela van’wana ndhawu yo tshama ni timhaka tin’wana.

NKHUVULO Switulu leswi hlayiseriweke lava yaka eku khuvuriweni swi ta vekiwa emahlweni ka xiteji, kambe loko swi nga ri tano swi ta tivisiwa. Lava yaka eku khuvuriweni va fanele va tshama endhawini leyi va vekeriweke yona nkulumo ya nkhuvulo yi nga si sungula hi Mugqivela nimixo. Un’wana ni un’wana u fanele a ta ni thawula ni swiambalo leswi xiximekaka leswi a nga ta khuvuriwa ha swona.

MINYIKELO Ku tirhisiwe mali yo tala ku lunghiselela ndhawu leyi eneleke yo tshama, michini yo kurisa mpfumawulo, switirhisiwa swa tivhidiyo ni mintirho yin’wana yo tala leyi endlaka leswaku hi swi tsakela ku va enhlengeletanweni leyi ni ku hi pfuna leswaku hi tshinela eka Yehovha. Minyikelo ya wena ya ku tirhandzela yi pfuna leswaku ku hakeleriwa swilo leswi naswona yi seketela ntirho wa misava hinkwayo. Leswaku swi ku olovela ku nyikela, ku ni mabokisi lama funghiweke etindhawini to hambanahambana laha nhlengeletanweni. Minyikelo hinkwayo ya tlangeriwa swinene. Huvo leyi Fumaka yi khensa malunghiselelo lawa u ma endlaka leswaku u seketela nhlengeletano leyi.

XILAMULELAMHANGU Tsundzuka leswaku u ya kona NTSENA loko u lava vutshunguri bya XIHATLA.

LESWI LAHLEKEKE NO KUMEKA Swilo hinkwaswo leswi thumbiweke swi fanele swi yisiwa eka Ndzawulo ya leswi Lahlekeke No Kumeka. Loko u lahlekeriwe hi xo karhi, yana eka ndzawulo leyi u ya kamba swilo swa wena. Vana lava lahlekeleke vatswari va vona va fanele va yisiwa eka ndzawulo leyi. Hambiswiritano, ndzawulo leyi a yi fanelanga yi endliwa khirexe. Hi kombela leswaku mi hlayisa vana va n’wina naswona mi tshama na vona.

VUTSHAMO Hi kombela u anakanyela van’wana. Tsundzuka, switulu swi nga hlayiseriwa ntsena swirho swa ndyangu wa wena ni lava u fambaka na vona hi movha, lava u tshamaka na vona ekaya kumbe lava u dyondzaka na vona Bibele. Hi kombela leswaku u nga veki swilo eswitulwini leswi u nga taka u nga swi tirhisi.

NTIRHO WA KU TIRHANDZELA Loko u tsakela ku pfuneta eka mintirho yo hambanahambana enhlengeletanweni leyi, hi kombela u tivisa Ndzawulo ya Vatirhi.