‘Yi Hlamula Swivutiso Swa Hina’

◼ ‘Yi hlamula swivutiso swa hina.’ Marito lawa hi lama vuriwaka hi vantshwa malunghana ni buku leyintshwa leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka, Vholumo 2. Jessicah wa le Texas, eU.S.A. u tsale a ku: “A ndzi titwa ndzi pfilunganyekile naswona ndzi nga titshembi. Buku leyi yi ndzi khutazile swinene. Ndzi vuyeriwile ku tiva leswaku ku ni vantshwa vo tala vo fana na mina lava va hlanganaka ni swihinga loko va ri karhi va ringeta ku tirhela Xikwembu. Buku leyi yi hlamule swivutiso swo tala leswi a ndzi ri na swona ku sukela loko ndza ha ri ntsongo.”

Breann, wa le Colorado u te: “Buku ya n’wina ya pfuna leswaku vatswari ni vana va kota ku vulavurisana kahle. Loko ndzi lava ku vulavula na Manana ndzi teka buku leyi ivi ndzi n’wi hlayela xiyenge lexi vulavulaka hi mhaka ya kona. Munghana wa mina na yena u le ku tilulamiseleni ku ya vulavula ni vatswari va yena endzhaku ka loko a hlaye buku leyi.”

Tindzima to sungula ta buku leyi ti vulavula hi swivutiso leswi hi ntolovelo swi karhataka vantshwa, swo tanihi ku va ni munghana wa rimbewu leri hambaneke ni ra vona. Katrina wa le New Jersey u tsale a ku: “Buku leyi yi ndzi endle leswaku ndzi xi namarhela swinene xiboho lexi ndzi tiendleleke xona xa ku nga rhandzani ni mufana sweswi, ku nga khathariseki leswaku vanhu van’wana va ri yini. Handle ka sweswo, loko munhu a nga si nghenela vukati u kuma nkarhi wo endla swilo swo tala leswinene! A ndzi swi lavi ku tshika ku endla swilo sweswo sweswi. Loko ndzi ta va ndzi lunghekele ku rhandzana, ndzi ta swi tiva ku antswa leswi ndzi faneleke ndzi swi languta eka munhu loyi ndzi lavaka ku rhandzana na yena nileswaku ndzi nga swi endlisa ku yini sweswo.”

U nga ha kombela kopi ya buku leyi hi ku tata xiphephana lexi kutani u xi rhumela eka adirese leyi kombisiweke laha kumbe eka leyi faneleke eka leti longoloxiweke eka tluka 5 ra magazini lowu.

□ Ndzi kombela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.

[Xifaniso lexi nga eka tluka 32]

Jessicah

[Xifaniso lexi nga eka tluka 32]

Breann

[Xifaniso lexi nga eka tluka 32]

Katrina