Hlaya Genesa 1:1-31. Dirowa layini leswaku u kombisa ndzimana ya Bibele leyi fambisanaka ni xifaniso ha xin’we. (Swifaniso leswi a swi xaxametiwanga hi ku landzelana ka swona.)

MHAKA YO BULA HA YONA:

Hi swi tivisa ku yini leswaku masiku ya ku tumbuluxa a ma nga lehanga tiawara ta 24?

LEXI NGA KU PFUNAKA KU KUMA NHLAMULO: Hlaya Genesa 2:4; Pisalema 90:4.

I yini leswi u swi dyondzaka hi Yehovha malunghana ni ntirho wakwe wa ku tumbuluxa?

LEXI NGA KU PFUNAKA KU KUMA NHLAMULO: Hlaya Pisalema 115:16; Varhoma 1:20; 1 Yohane 4:8; Nhlavutelo 4:11.

LESWI NGA ENDLIWAKA EKAYA:

Hlelani riendzo tanihi ndyangu hi xikongomelo xo ya dyondza swo karhi eka rona. Endzelani ntanga wa swiharhi, ntanga wa swimilana kumbe mi ya eplanetheriyamu leswaku mi ya dyondza swo karhi malunghana ni swiharhi leswi mi swi rhandzaka, swimilana kumbe tipulanete. Endzhaku ka sweswo, bula ni ndyangu wa wena malungana ni swilo leswi u swi dyondzeke hi Yehovha loko u ri karhi u dyondza hi ntumbuluko wakwe.

KHADI RA BIBELE 23 YONATHANI

SWIVUTISO

1. A. Yonathani a a ri mativula ya ․․․․․.

2. B. I ntiyiso kumbe i mavunwa? Tata wa Yonathani u hoxe fumu eka Yonathani.

3. C. I mani loyi Yonathani a a n’wi rhandza ngopfu naswona ha yini?

MATIMU

Hambileswi a a ta va mudyandzhaka naswona swi nga ha endlekaka leswaku a a ri nkulu eka Davhida hi malembe ya 30, u n’wi seketerile tanihi hosi leyi hlawuriweke hi Xikwembu. (1 Samuwele 23:15-18) U kale a hoxa ni vutomi byakwe ekhombyeni leswaku a n’wi sirhelela eka Sawulo, tata wakwe loyi a a ri ni mavondzo. (1 Samuwele 20:1-42) Xikombiso xa Yonathani xa ku titsongahata xi hi dyondzisa leswaku na hina hi fanele hi tsaka ni vanhu van’wana loko Xikwembu xi va nyika swilo leswinene.

TINHLAMULO

1. A. Hosi Sawulo.—1 Samuwele 14:47, 49.

2. B. I ntiyiso.—1 Samuwele 20:33.

3. C. Davhida. U vone xivindzi lexi Davhida a a ri na xona ni ndlela leyi a a rhandza Yehovha ha yona loko a ya lwa na Goliyadi.—1 Samuwele 17:1–18:4.

Hi mina Pyae Sone Aung ndzi ni malembe ya 11, hi mina Hsu Myat Yadanar Lwin ndzi ni malembe ya nkombo. Hi tshama eMyanmar. I tinghani Timbhoni ta Yehovha leti tshamaka eMyanmar? I 3 600, 6 300 kumbe 10 000?

Hi rihi thonsi leri kombaka laha hi tshamaka kona? Ri tsondzele kutani u dirowa thonsi laha u tshamaka kona kutani u vona leswaku u le kusuhi ku fikela kwihi ni tiko ra Myanmar.

Xana u nga swi kuma swifaniso leswi enkandziyisweni lowu? Hi marito ya wena hlamusela leswi humelelaka exifanisweni ha xin’we.