Xiendlakalo Lexi U Nga Fanelangiki U Xi Kayela

“Nyiko yin’wana ni yin’wana leyinene ni nyiko yin’wana ni yin’wana leyi hetisekeke” yi huma eka Xikwembu, Tata wa hina wa le tilweni. —Yakobo 1:17.

NYIKO leyikulu swinene leyi Xikwembu xi yi nyikeke vanhu lava nga ni xidyoho i lunghiselelo ra ku ponisiwa ka vona hi ku tirhisa N’wana wa xona la tswariweke a ri swakwe, Yesu Kreste. Rifu ra Yesu, Mukutsuri wa hina, ri endla leswaku swi koteka ku va ni vutomi lebyi nga heriki emisaveni leyi nga paradeyisi. Eka Luka 22:19, hi lerisiwa ku endla nkhuvo wa rifu rakwe.

Timbhoni ta Yehovha ta ku rhamba hi rirhandzu leswaku u ta hlanganyela na tona hi ku landza xileriso xa Yesu. Xiendlakalo lexi xa lembe ni lembe xi ta tlangeriwa endzhaku ka ku pela ka dyambu hi siku leri fambisanaka na Nisan 14 eka khalendara ya n’hweti ya Bibele—ku nga Sonto, April 8, 2001. Fungha siku leri leswaku u nga ri rivali. Timbhoni ta Yehovha ta le ndhawini ya ka n’wina ti nga ku byela ndhawu leyi ku nga ta hlanganiwa eka yona ni nkarhi wa kona.