‘Nkhensa Timbhoni Ta Yehovha Hikwalaho Ka Ntshunxeko Wa Vukhongeri’

XIHLOKO lexi nga eka phepha-hungu leri nge USA Today, xi ri: “Loko u nga si pfalela Timbhoni ta Yehovha, yima u anakanya hi nxaniso lowu chavisaka lowu ti langutaneke na wona ku nga ri khale, swin’we ni ndlela leyi ti pfuneke swinene ha yona eka Nawu wo Sungula wa ntshunxeko lowu hi nga na wona hinkwerhu.” Le United States Timbhoni ta Yehovha ti xanisiwile hi va-1940, swin’wana swa leswi a ti xaniseriwa swona a ku ri ku ala ku losa mujeko.—Eksoda 20:4, 5.

Milandzu ya kwalomu ka 30 leyi khumbaka Timbhoni ta Yehovha yi yisiwe eHubyeni Leyikulu ya le United States eka malembe ya ntlhanu exikarhi ka 1938 na 1943. Xihloko xa kona xi ri: “Nkarhi ni nkarhi Timbhoni ti andlale timhaka ta nkoka leti khumbaka Nawu wo Sungula lerova Muavanyisi Harlan Fiske Stone u tsarile: ‘Timbhoni ta Yehovha ti fanele ku ririsiwa hikwalaho ka mpfuno lowu ti wu nyikelaka eku lulamiseni ka swiphiqo swa nawu swa ntshunxeko wa tiko.’”

Xisweswo, loko se xi ya emakumu xihloko lexi xi ri: “Vukhongeri hinkwabyo byi fanele byi nkhensa Timbhoni ta Yehovha hikwalaho ko ndlandlamuxa ntshunxeko wa [vukhongeri].”

[Mimfungho ya Vini va Swifaniso eka tluka 32]

Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States