Xiendlakalo Xa Nkoka Swinene eMatin’wini

A KU ri rifu ra Yesu Kreste. Ha yini a xi ri xa nkoka swonghasi? Hikwalaho ka swivangelo swo tala.

Ku tshembeka ka Yesu ku fikela eku feni ku kombise leswaku vanhu na vona va nga swi kota ku tshama va tshembekile eka Xikwembu.

Rifu ra Kreste ri nyike van’wana lunghelo ra ku ya fuma na yena etilweni. Nakambe ri pfulele vo tala ndlela yo hanya hi masiku eparadeyisini emisaveni.

Hi madyambu ya le mahlweni ka ku fa kakwe, Yesu u tirhise xinkwa xo kala comela ni vhinyo yo tshwuka leswi a swi fanekisela xitlhavelo xa yena xa rirhandzu tanihi munhu wa nyama. Naswona u byele vadyondzisiwa va yena a ku: “Tshamani mi ri karhi mi endla leswi leswaku mi ndzi tsundzuka.” (Luka 22:19) Xana u ta xi tsundzuka xiendlakalo lexi xa nkoka?

Timbhoni ta Yehovha ta ku rhamba hi mbilu hinkwayo leswaku u hlanganyela na tona eku tlangeleni ka Xitsundzuxo xa rifu ra Yesu. Eka lembe leri, siku ro xi tlangela ri ta va Ravumune, March 28 loko dyambu ri perile. U nga ya eHolweni ya Mfumo leyi nga kusuhi ni laha u tshamaka kona. Hi kombela leswaku u vutisa Timbhoni ta Yehovha ta kwalaho mayelana ni nkarhi wo sungula xiendlakalo lexi ni ndhawu ya kona.