Xana Wa Swi Vona Hi Mahlo Ya Mianakanyo Leswi U Swi Hlayaka?

LESWAKU u vona leswi u swi hlayaka hi mahlo ya mianakanyo u nga pfuniwa hi ku vona tindhawu leti u hlayaka ha tona. Hi xikombiso, anakanya hi maendzo ya muapostola Pawulo ya vurhumiwa, lama hlamuseriweke eBibeleni ebukwini ya Mintirho. Riendzo ra yena ro sungula a ri ri ra le Antiyoka, laha valandzeri va Yesu va sunguleke kona ku vitaniwa leswaku i Vakreste. Ku sukela kwalaho u sungule ku ya eSalami, eAntiyoka wa Pisidiya, Ikoniya, Listra ni le Derbe. Xana wa swi kota ku vona tindhawu leti hi mahlo ya mianakanyo?

Kumbexana u nga pfuniwa hi ku tirhisa mepe. Eka broxara leyintshwa ya matluka ya 36 leyi nge “Vona Tiko Lerinene,” mepe wo tano wu kona. Muhlayi wa le Montana, U.S.A., u hlamule hi ntsako a ku: “Ndza swi kota ku vona maendzo ya Pawulo naswona ndzi ringeta ku anakanya hi maendzo ni ntirho wa yena ni wa Vakreste va lembe-xidzana ro sungula lowu va wu endleke eku hangalaseni ka mahungu lamanene. Ha nkhensa ku pfuniwa hi mepe wo tano.”

Mepe wa maendzo ya Pawulo lama nga eka broxara leyi i wun’wana wa leyi nga pfunaka muhlayi leswaku a vona hi mahlo ya mianakanyo leswi a swi hlayaka eBibeleni. U nga kombela kopi leyi nge “Vona Tiko Lerinene” hi ku tata fomo leyi landzelaka kutani u yi rhumela eka adirese leyi kombisiweke kumbe eka adirese leyi faneleke eka tluka 2 ra magazini lowu.

□ Handle ka ku tiboha, ndzi kombela kopi ya broxara leyi nge “Vona Tiko Lerinene.”

□ Ndzi kombela mi ndzi endzela malunghana ni dyondzo ya mahala ya Bibele.

[Laha Xifaniso Xi Humaka Kona eka tluka 32]

Pictorial Archive (Near Eastern History) Est.