Xirhambo . . .

Xana Hinkwaswo Swa Ha Ri Ehansi Ka Vulawuri Bya Xikwembu?

TIMHANGU ta ntumbuluko, vuvabyi lebyi nga ni khombo, vukanganyisi lebyi endliwaka hi vanhu lava nga eswikhundlheni swa le henhla, ku hlaseriwa hi matherorisi, tinyimpi ni vugevenga. Siku ni siku hi twa mahungu ya swilo swo tano. Ku nga khathariseki leswaku u tshame u langutana ni swilo swo tano kumbe e-e, swi endla u tivutisa leswaku misava leyi yi kongome kwihi ni loko swilo swi ta kala swi antswa.

Leswaku ku kambisisiwa mhaka leyi, Timbhoni ta Yehovha ematikweni yo tlula 200 emisaveni hinkwayo ti ta nyikela nkulumo ya le rivaleni leyi fikeke hi nkarhi leyi nga ni nhloko-mhaka leyi nge, “Xana Hinkwaswo Swa Ha Ri eHansi Ka Vulawuri Bya Xikwembu?” Yi ta kambisisa leswi Xikwembu xi swi vulaka ni leswi xi swi tshembisaka eRitweni ra xona leri nga hoxisiki, ku nga Bibele, malunghana ni swivutiso leswi swa nkoka:

Xana Xikwembu xa khathala hi timhaka ta misava?

Xana xi titwa njhani hi vanhu?

Xana xa khathala hi vuhlayiseki bya wena?

Etindhawini to tala, nkulumo leyi yi ta nyikeriwa hi Sonto, April 30, 2006, eHolweni ya Mfumo ya Timbhoni ta Yehovha. Timbhoni ta le ndhawini ya ka n’wina ti ta tsakela ku ku tivisa nkarhi wa nkulumo leyi kun’we ni laha holo yi kumekaka kona.

Wa rhambiwa hi malwandla leswaku u va kona eka nkulumo leyi khutazaka ya mahala leyi sekeriweke eBibeleni, leyi nga ta ku nyika nhlamulo leyi enerisaka ya xivutiso lexi nge: Xana Hinkwaswo Swa Ha Ri eHansi Ka Vulawuri Bya Xikwembu?