Dyondzo Ya Bibele Yi Aka Ripfumelo
Dyondzo Ya Bibele Yi Aka Ripfumelo
HI SIKU ra ku thwasa ka ntlawa wa vu-122 wa Xikolo xa Bibele xa Giliyadi xa Watchtower, muyimeri wa wona u te: “Ku ve lunghelo lerikulu ngopfu ku heta tin’hweti ta ntlhanu hi ri karhi hi dyondza miehleketo ya Muvumbi ni ku vona swilo hilaha yena a swi vonaka hakona!” Siku ra March 10, 2007 a ri nge rivaleki eka swirho swa 56 swa ntlawa lowu, leswi a swi lunghekele ku sungula ntirho wa swona wa vurhumiwa ematikweni ya 26 lawa swi averiweke eka wona.
Endzhaku ko amukela vayingiseri va 6 205 hi mandla mambirhi, Theodore Jaracz, xirho xa Huvo leyi Fumaka, u te: “Ha tiyiseka leswaku mi ta tiyisiwa emoyeni ni ku akiwa eripfumelweni hi nongonoko wa namuntlha wa ku thwasa.” U tivise mavito ya swivulavuri swa mune leswi a swi ta khutaza swichudeni hi rungula leri fikeke hi nkarhi leri sekeriweke eBibeleni, kun’we ni hi ndzayo leyi a yi ta swi pfuna leswaku swi humelela entirhweni wa swona wa vurhumiwa.
Xikhutazo Xa Ku Aka Van’wana eRipfumelweni
Leon Weaver, xirho xa Komiti ya Rhavi ya le United States, u vulavule hi nhloko-mhaka leyi nge “Hambeta U Endla Leswinene.” U tsundzuxe swichudeni leswaku hi xiringaniso xin’wana ni xin’wana xa swona xi ni malembe ya 13 xi ri entirhweni wa nkarhi hinkwawo, xi twarisa dyondzo ya Bibele leyi akaka ripfumelo. U te: “I ntirho lowunene hikuva wu katsa ku ponisa vutomi bya vanhu, naswona xa nkoka swinene, i ntirho lowunene hileswi wu yisaka ku dzuneka eka Yehovha, Tata wa hina wa le tilweni.” Kutani Makwerhu Weaver u khutaze swichudeni leswaku swi hambeta swi “[byalela] moya” naswona swi nga “tshiki ku endla leswi nga swinene.”—Vagalatiya 6:8, 9.
David Splane, xirho xa Huvo leyi Fumaka, u nyikele switsundzuxo leswinene loko a vulavula hi nhloko-mhaka leyi nge “Tiyiseka Leswaku U Wu Khangula Kahle Ntirho Wa Wena.” Makwerhu Splane u khutaze varhumiwa lavantshwa leswaku va wu khangula kahle ntirho wa vona hi ku endla leswi a swi hlamuseleke loko a ku: “Tshamani mi ri ni vonelo lerinene. Mi nga tsutsumeli ku ehleketelela vanhu swo biha. Vanani ni xinghana. Mi nga vi ni vuxopa-xopi. Titsongahateni naswona mi xixima vamakwerhu va laha mi averiweke ku ya kona.” Kutani u ye emahlweni a ku: “Xikan’we-kan’we loko mi huma eka xihaha-mpfhuka lexi mi nga ta va mi famba ha xona, khangulani ntirho wa n’wina hi ndlela leyinene, naswona onge Yehovha a nga katekisa milenge ya n’wina yo xonga loko yi ri karhi yi yisa ‘mahungu lamanene ya leswo antswa’ evanhwini.”—Esaya 52:7.
“Ndzhaka Leyi Nga Kanakanisiki Vaheveru 11:1; Nhlavutelo 17:8) Ku sukela enkarhini wolowo, xikolo xa Giliyadi xi nyike swichudeni lunghelo ra ku tiyisa ripfumelo ra swona. Ripfumelo leri tiyeke ri nyika mathwasana matimba ya ku phikelela, ma twarisa ntiyiso hi ku hiseka.
Nikatsongo” a yi ri nhloko-mhaka ya nkulumo leyi nyikeriweke hi Lawrence Bowen loyi a nga muleteri wa le Giliyadi. Makwerhu Bowen u tsundzuxe swichudeni leswaku ku pfuriwa ka Xikolo xa Giliyadi hi nkarhi wa Nyimpi ya Vumbirhi ya Misava ku endliwe hi ku tshemba hi ku helela leswaku Yehovha u ta hetisisa Rito rakwe ra vuprofeta. (Mark Noumair, muleteri un’wana wa le Giliyadi, u vulavule hi nhloko-mhaka yo tsakisa leyi nge “Mi Ndzi Tsundzuxa Munhu Un’wana.” U vulavule hi xikombiso xa muprofeta Elixa, 1 Tihosi 19:21 kutani a ku: “Elixa a a tiyimisele ku endla mindzulamiso evuton’wini byakwe, a rivala hi swilo leswi tsakeriwaka hi yena, a twarisa swikongomelo swa Yehovha.” U bumabumele mathwasana hileswi ma kombiseke moya lowu fanaka kutani a ma khutaza leswaku ma hambeta ma endla tano eswiavelweni swa wona leswintshwa.
loyi a kombiseke ripfumelo ni vurhena exiavelweni xa yena. Makwerhu Noumair u sekele nkulumo yakwe ekaRipfumelo Ri Hi Pfuna Ku Vulavula Hi Ku Ntshunxeka
Loko swichudeni swi ri karhi swi akiwa ripfumelo exikolweni xa vurhumiwa, a swi tirhisa mahelo-vhiki swi chumayela mahungu lamanene eka van’wana. Sweswo swi endle leswaku swi va ni mintokoto leyinene leyi swi yi hlamuseleke swi tlhela swi yi kombisa hi xiviri eka nkulumo leyi a yi nyikeriwa hi Wallace Liverance, muleteri un’wana wa le Giliyadi. Nhloko-mhaka ya nkulumo yakwe leyi nge, “Hi Ni Ripfumelo Kutani Ha Vulavula,” a yi dzike eka marito ya muapostola Pawulo lama kumekaka eka 2 Vakorinto 4:13.
Endzhaku ka nkulumo leyi, Daniel Barnes na Charles Woody, lava nga swirho swa ndyangu wa Bethele, va vulavurisane ni varhumiwa swin’we ni lava va tshameke va va varhumiwa. Vamakwerhu lava va kombise ndlela leyi ha yona Yehovha a khathalelaka ni ku katekisa lava va n’wi tirhelaka hi ku tshembeka. (Swivuriso 10:22; 1 Petro 5:7) Murhumiwa un’wana u te: “Mina ni nsati wa mina hi vone ndlela leyi Yehovha a hi khathalelaka ha yona hikwalaho ka dyondzo leyi hi yi kumeke eGiliyadi. Yi ake ripfumelo ra hina hakunene. Ripfumelo i ra nkoka hikuva malandza ya Xikwembu hinkwawo, ku katsa ni varhumiwa, ma ta langutana ni miringo, swiphiqo ni swilo swin’wana leswi ma vilerisaka.”
Hambetani Mi Twarisa Dyondzo Ya Bibele Leyi Akaka Ripfumelo
Samuel Herd, xirho xa Huvo leyi Fumaka, u pfale nongonoko wa ku thwasa hi ndlela leyi faneleke, loko a vulavurisana ni vayingiseri hi nhloko-mhaka leyi nge “Hambetani Mi Aka Vamakwenu.” A xi ri xihi xikongomelo xa dyondzo leyi swichudeni swi yi kumeke? Makwerhu Herd u te: “Xikongomelo xa kona a ku ri ku mi dyondzisa ku tirhisa ririmi ra n’wina leswaku mi dzunisa Yehovha, mi dyondzisa van’wana ntiyiso wa yena ensin’wini leyi mi averiweke ku ya eka yona, ni ku akana eripfumelweni.” Kambe u tlhele a tsundzuxa swichudeni leswaku ririmi ri ni vuswikoti bya ku vulavula ni swilo leswi nga akiki. (Swivuriso 18:21; Yakobo 3:8-10) U khutaze swichudeni leswaku swi tirhisa ririmi ra swona hilaha Yesu a ri tirhiseke hakona. Siku rin’wana vadyondzisiwa va Yesu va vule leswi landzelaka endzhaku ko n’wi yingisela: “Xana timbilu ta hina a ti nga pfurhi . . . loko a hi pfulela Matsalwa hi ku helela?” (Luka 24:32) Makwerhu Herd u te: “Loko marito ya n’wina ma ri lama akaka, ma ta khumba timbilu ta vamakwenu eswiavelweni swa n’wina.”
Endzhaku mathwasana ma kume tidiploma ta wona. Hiloko ku hlayiwa papila ra ku tlangela leri humaka eka swichudeni. A ri ku: “Hi titwa hi ri ni vutihlamuleri lebyikulu bya ku tirhisa leswi hi swi dyondzeke leswaku hi hetisisa swiavelo swa hina hi ku tshembeka tanihi varhumiwa. Tanihi leswi hi lunghekeleke ku ya emakun’wini ya misava, hi khongelela leswaku hinkwaswo leswi hi nga ta swi endla swi yisa ku dzuneka lokukulu eka Yehovha Xikwembu, Muleteri wa hina Lonkulu.” Vayingiseri va angule hi ku ba mavoko swi huma embilwini. Kunene, nongonoko wa ku thwasa wu va ake ripfumelo hinkwavo lava a va ri kona.
[Marito lama tshahiweke exihlokweni lama nga eka tluka 17]
“Loko marito ya n’wina ma ri lama akaka, ma ta khumba timbilu ta vamakwenu eswiavelweni swa n’wina”
[Bokisi leri nga eka tluka 15]
TINHLAYO TA NTLAWA
Nhlayo ya matiko lawa va humaka eka wona: 9
Nhlayo ya matiko lawa va averiweke eka wona: 26
Nhlayo ya swichudeni: 56
Xiringaniso xa malembe: 33,4
Xiringaniso xa malembe entiyisweni: 16,8
Xiringaniso xa malembe evutirhelini bya nkarhi hinkwawo: 13
[Xifaniso lexi nga eka tluka 16]
Ntlawa Lowu Thwasaka Wa Vu-122 Wa Xikolo Xa Bibele Xa Giliyadi Xa Watchtower
Eka nxaxamelo lowu nga laha hansi, tilayeni ti hlayeriwa ku suka emahlweni ku ya endzhaku, naswona mavito ma xaxametiwe ku suka eximatsini ku ya exineneni eka layeni yin’wana ni yin’wana.
(1) Howitt, R.; Smith, P.; Martinez, A.; Pozzobon, S.; Kitamura, Y.; Laud, C. (2) Fiedler, I.; Beasley, K.; Matkovich, C.; Bell, D.; Lippincott, W. (3) Sites, W.; Andersen, A.; Toevs, L.; Fusano, G.; Rodríguez, C.; Yoo, J. (4) Sobomehin, M.; Thomas, L.; Gasson, S.; Dauba, V.; Bertaud, A.; Winn, C.; Dobrowolski, M. (5) Yoo, J.; Dauba, J.; Mixer, H.; Newton, M.; Rodríguez, F.; Mixer, N. (6) Laud, M.; Lippincott, K.; Martinez, R.; Haub, A.; Schamp, R.; Pozzobon, L.; Toevs, S. (7) Howitt, S.; Kitamura, U.; Newton, D.; Haub, J.; Sites, J.; Thomas, D. (8) Sobomehin, L.; Matkovich, J.; Fusano, B.; Winn, J.; Schamp, J.; Andersen, D.; Dobrowolski, J. (9) Fiedler, P.; Bell, E.; Beasley, B.; Smith, B.; Bertaud, P.; Gasson, M.