Xana A Wu Swi Tiva?
Eminkarhini ya Bibele, a xi ri xihi xikongomelo xo va munhu a handzula tinguvu takwe hi le xikarhi?
MATSALWA ma hlamusela swiyimo swo hlayanyana leswi eka swona vanhu va handzuleke tinguvu ta vona. Swiendlo swo tano swi nga ha tikomba swi nga tolovelekanga eka vahlayi va manguva lawa, kambe eka Vayuda ku endla tano a ku ri ndlela yo kombisa mintlhaveko leyikulu leyi vangiweke hi gome, xirilo, ku khomiwa hi tingana, ku hlundzuka kumbe nhlomulo.
Hi xikombiso, Ruveni u “[handzule] tinguvu takwe hi le xikarhi” loko a vona leswaku kungu rakwe ro kutsula Yosefa makwavo wakwe ri siveriwile hikuva Yosefa a a xaviseriwe evuhlongeni. Tata wa vona Yakobe, u “[handzule] minkhancu yakwe hi le xikarhi” loko a anakanya leswaku Yosefa u dyiwe hi xivandzana. (Gen. 37:18-35) Yobo u ‘handzule nguvu yakwe hi le xikarhi’ loko a byeriwe leswaku vana va yena hinkwavo va dlayiwile. (Yobo 1:18-20) Murhumiwa loyi “tinguvu takwe [a] ti handzuke hi le xikarhi” u humelele emahlweni ka Muprista Lonkulu Eli a ta n’wi byela leswaku Vaisrayele va hluriwile enyimpini, vana va Eli vambirhi va majaha va dlayiwile ni leswaku areka ya ntwanano yi tekiwile. (1 Sam. 4:12-17) Loko Yosiya a twa marito ya Nawu lawa a hlayeriweke wona kutani a xiya swihoxo swa vanhu va rikwavo, u “[handzule] tinguvu [takwe] hi le xikarhi.”—2 Tih. 22:8-13.
Loko Yesu a ri eku tengisiweni, Muprista Lonkulu Kayafasi u “[handzule] tinguvu takwe ta le handle” hileswi a a anakanya leswaku leswi Yesu a swi vuleke i xisandzu. (Mat. 26:59-66) Hi ku ya hi nawu wa vukhongeri lowu a wu simekiwe hi varhabi, un’wana ni un’wana loyi a a twa vito ra Xikwembu ri sandziwa a a boheka ku handzula tinguvu takwe. Hambiswiritano, swin’wana leswi varhabi a va pfumela eka swona endzhaku ka ku lovisiwa ka tempele ya le Yerusalema a ku ri leswaku “loyi a tshamelaka ku twa vanhu va rhukana Vito ra Xikwembu a a nga fanelanga a handzula tinguvu ta yena hikuva a ta sala a ambale switlakati ntsena.”
Entiyisweni, ku va munhu a handzula tinguvu takwe a swi nga ri swa nkoka eka Xikwembu handle ka loko gome ra munhu yoloye ri ri ra xiviri. Xisweswo, Yehovha u byele vanhu vakwe leswaku va ‘handzula timbilu ta vona, ku nga ri tinguvu ta vona; va vuya eka yena.’—Yuw. 2:13.
U Nga Ha Tsakela
XIHONDZO XO RINDZA (NKANDZIYISO WA VANDLHA)
Xana A Wu Swi Tiva?—February 2022
Hikwalahokayini khale Vaisrayele a va humesa malovolo?
XIHONDZO XO RINDZA (NKANDZIYISO WA VANDLHA)
Xana A Wu Swi Tiva?—February 2022
Vaisrayele a va vuyeriwa njhani leswi Nawu a wu va pfumelela ku nyikela hi magugurhwana ni matuva?
XIHONDZO XO RINDZA (NKANDZIYISO WA VANDLHA)
Xana A Wu Swi Tiva?—March 2020
Handle ka leswi vuriwaka hi Bibele, hi byihi vumbhoni bya leswaku Vaisrayele a va ri mahlonga eEgipta?
XIHONDZO XO RINDZA (NKANDZIYISO WA VANDLHA)
Xana A Wu Swi Tiva?—November 2019
A ku ri wihi ntirho wa valanguteri emikarhini ya ku tsariwa ka Bibele?
XIHONDZO XO RINDZA (NKANDZIYISO WA VANDLHA)
Xana A Wu Swi Tiva?—April 2019
Emikarhini ya khale, munhu a endla yini loko a lava ku teka riendzo hi xikepe?
XIHONDZO XO RINDZA (NKANDZIYISO WA VANDLHA)
Xana A Wu Swi Tiva?—February 2019
Swi tise ku yini leswaku ku va ni sinagoga?
