XIHONDZO XO RINDZA (NKANDZIYISO WA VANDLHA) October 2014
Nkandziyiso lowu wu ni swihloko leswi dyondziwaka evandlheni ku sukela hi December 1 ku ya ka 28, 2014.
Va Tinyikele Hi Ku Tirhandzela Le Taiwan
Timbhoni ta Yehovha to tlula 100 ti rhurhele laha ku nga ni xilaveko lexikulu xa vahuweleri va Mfumo. Tiphine hi mintokoto ya vona u tlhela u twa leswi endleke leswaku swilo swi va fambela kahle.
Mi Va Ni Ripfumelo Leri Tiyeke Eka Mfumo Wa Xikwembu
Yehovha u tirhise mintwanano ya tsevu leyi tlhandlamanaka leswaku a tiyisekisa leswaku Mfumo wakwe wu ta hetisisa xikongomelo xakwe. Mintwanano leyi yi hi pfuna njhani leswaku hi tiyisa ripfumelo ra hina?
Mi Ta Va “Mfumo Wa Vaprista”
Mintwanano yinharhu yo hetelela eka ya tsevu yi nga hi susumetela leswaku hi tshemba Mfumo wa Xikwembu hi tlhela hi chumayela mahungu lamanene ya Mfumo wolowo eka van’wana.
MHAKA YA VUTOMI
Swiendlakalo Swa Nkoka Loko Ndzi Ri eNtirhweni Lowu Seketelaka Mfumo
Mildred Olson u ni malembe yo tlula 75 a ri karhi a tirhela Yehovha, ku katsa ni malembe ya kwalomu ka 29 lawa a ma heteke a ri murhumiwa le El Salvador. I yini lexi endlaka leswaku a tshama a ri karhi a gingiriteka?
Tlangela Lunghelo Ra Wena Ro Tirha Na Yehovha!
I yini leswi susumetelaka lava gandzelaka Yehovha leswaku va swi vekela etlhelo swilaveko swa vona?
“Hlayisani Mianakanyo Ya N’wina Yi Ri Eka Swilo Swa Le Henhla”
Ha yini lava nga ni ntshembo wo hanya hilaha ku nga heriki laha misaveni va fanele va hlayisa mianakanyo ya vona yi ri eka swilo swa le tilweni? Va nga swi endlisa ku yini sweswo?
