March 22, 2008—Siku Leri U Faneleke U Ri Tsundzuka

Hi madyambu ya le mahlweni ka siku leri Yesu a feke ha rona, u teke xinkwa xo pfumala comela ni xinwelo xa vhinyo a swi nyika vaapostola vakwe kutani a va lerisa leswaku va dya xinkwa xexo va tlhela va nwa vhinyo yoleyo. Nakambe u te: “Tshamani mi ri karhi mi endla leswi leswaku mi ndzi tsundzuka.”—Luka 22:19.

Nan’waka xiendlakalo lexi xi ta tsundzukiwa hi Mugqivela, March 22, endzhaku ka ku pela ka dyambu. Timbhoni ta Yehovha emisaveni hinkwayo ti ta hlengeletana hi madyambu wolawo yo hlawuleka ti endla nkhuvo lowu wa Xitsundzuxo hi ndlela leyi Yesu a leriseke ha yona. Hi ku rhamba hi mbilu hinkwayo leswaku u hlanganyela na hina. Hi kombela leswaku u vutisa Timbhoni ta Yehovha ta le ndhawini ya ka n’wina malunghana ni nkarhi ni ndhawu leyi nhlangano lowu wu nga ta khomeriwa eka yona.