Nkulumo Yo Hlawuleka Ya Le Rivaleni

I Mani Loyi A Fanelekaka Ku Fuma Vanhu?

Hi wihi mufumi loyi a nga

• tlhantlhaka swiphiqo swa ikhonomi, a endla leswaku vanhu hinkwavo va va ni swakudya swo tala ni tiyindlu letinene?

• sivelaka timhangu ta ntumbuluko, leswaku vanhu va nga hlaseriwi hi ti-tsunami, swidzedze kumbe ku tsekatseka ka misava?

• herisaka vuvabyi hinkwabyo, ni ku endla leswaku vanhu lava dyuhaleke va tlhela va va lavantshwa?

• Herisaka tinyimpi hinkwato, a endla leswaku vanhu lava a va fumaka va va ni ku rhula ni nsirhelelo?

• Kondletelaka vun’we lebyi hetisekeke exikarhi ka swiharhi ni vanhu, a hundzula misava yi va paradeyisi?

Ku ni Mufumi un’we ntsena loyi a nga hi tiselaka mikateko leyi hinkwayo. I mani Mufumi yoloye? Xivutiso xexo xi ta hlamuriwa eka nkulumo ya le rivaleni leyi nge “I Mani Loyi A Fanelekaka Ku Fuma Vanhu?” Nkulumo leyi ya Bibele yi ta nyikeriwa emisaveni hinkwayo ematikweni yo tlula 230. Ematikweni yo tala yi ta nyikeriwa eHolweni ya Mfumo ya Timbhoni ta Yehovha ya le ndhawini yoleyo hi Sonto, April 6, 2008. Timbhoni ta le ndhawini ya ka n’wina ti ta swi tsakela ku ku byela nkarhi ni ndhawu laha yi nga ta nyikeriwa kona. Wa rhambiwa leswaku u va kona.