Nkulumo Yo Hlawuleka Ya Le Rivaleni

Xana Xikwembu Xi Amukela Vukhongeri Hinkwabyo?

Vanhu vo tala va nghena tikereke leti vatswari va vona va nghenaka eka tona. Van’wana va tihlawulela tikereke leti va ti lavaka loko se va kurile. Hakunene ku ni vukhongeri byo tala lebyi munhu a nga tihlawulelaka byona. Kumbexana u tshame u tivutisa xivutiso lexi nge, ‘Xana swi ni mhaka leswaku ndzi wa vukhongeri byihi?’

Xivutiso lexi xi ta hlamuriwa eka nkulumo ya le rivaleni leyi nge, “Xana Xikwembu Xi Amukela Vukhongeri Hinkwabyo?” Nkulumo leyi leyi sekeriweke eBibeleni yi ta nyikeriwa emisaveni hinkwayo ematikweni yo tlula 230. Etindhawini to tala, nkulumo leyi yi ta nyikeriwa eHolweni ya Mfumo ya Timbhoni ta Yehovha leyi nga endhawini ya ka n’wina hi Sonto, April 26, 2009. Timbhoni ta le ndhawini ya ka n’wina ti ta swi tsakela ku ku byela nkarhi ni ndhawu laha yi nga ta nyikeriwa kona. Wa rhambiwa hi mandla mambirhi leswaku u va kona.