Ta Vantshwa Va Hina

Yesu U Lwisane Ni Ndzingo

Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tiehlekete u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwi hi ndlela leyi vanhu lava ku vulavuriwaka ha vona va titwaka ha yona.

VONA XIENDLAKALO XA KONA HI MAHLO YA MIANAKANYO.—HLAYA MATEWU 4:1-11.

Hlamusela ndlela leyi mananga lawa Yesu a heteke masiku ya 40 a ri eka wona a ma ri xiswona.

․․․․․

Xana u ehleketa leswaku rito ra Muringi ni ra Yesu a ma twala njhani?

․․․․․

ANAKANYISISA SWINENE HI MHAKA LEYI.

Sathana u tikombise njhani leswaku u tirhisa xiyimo lexi munhu a nga eka xona leswaku a n’wi ringa? (Tlhela u hlaya ndzimana 2.)

․․․․․

Ha yini Diyavulosi a nga kombanga Yesu mimfumo hinkwayo ya misava ntsena kambe a tlhele a n’wi komba ni “ku vangama ka yona”? (Tlhela u hlaya ndzimana 8.)

․․․․․

Ha yini Sathana a hlawule ku ringa Yesu hi ku n’wi tshembisa ku n’wi nyika misava leswaku a yi fuma?

․․․․․

(a) I yini leswi nchumu ha wun’we lowu Yesu a ringiweke ha wona wu swi kombisaka hi leswi Sathana a a swi ehleketa? ․․․․․

(b) Ku hambana ni leswi Sathana a a swi ehleketa, i yini leswi nhlamulo ha yin’we ya Yesu yi swi kombisaka? ․․․․․

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Ndlela leyi ndzingo wu nga ha ku humelelaka ha yona.

․․․․․

Tindlela leti Sathana a nga ha ti tirhisaka ku hi ringa.

․․․․․

Ndlela leyi hi nga wu hlulaka ha yona ndzingo.

․․․․․

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․